Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýstan qaıtys bolǵan adamdy jerleý rásiminde qandaı ózgeris bar

2021 jyldyń 5 mamyr 2021 18:17

NUR-SULTAN. QazAqparat - Koronavırýstan qaıtys bolǵan adamdy jýyndyrý rásimine týǵan-týystarynan eki adam ǵana qatysa alady. Bul týraly QR Densaýlyq saqtaý vıtse-mınıstri Ajar Ǵınııat aıtty, dep habarlaıdy QazAqparat tilshisi.

«Qazirgi ýaqytta jerleý rásimi respýblıkanyń Bas memlekettik sanıtar dárigeriniń qaýlysyna sáıkes rettelip, júrgiziledi. Koronavırýs ınfektsııasynan qaıtys bolǵan adamnyń máıiti arnaıy orynda, ıaǵnı patalogoanatomııalyq morgtarda, bólimshelerde jýyndyrý kerek. Osy jýyndyrý rásimine týǵan-týystarynan eki adam qatysa alady. Týystary kirgizbes buryn qorǵanysh kıimdermen, quraldarmen qamtamasyz etiledi. Máıit jýyndyrylǵannan keıin jerleý úshin týǵan-týystaryna beriledi», - dedi vıtse-mınıstr

Onyń aıtýynsha, janaza rásimine marqumnyń tek týǵan-týystary qatysyp, ara qashyqty saqtaýy, maska taǵýy qajet.

«Búgingi tańda jýyndyrylyp berilgen máıitti dinı qyzmetshilerge nemese týǵan-týystaryna ustaýǵa bolmaıdy. Barlyq máıitter jalpy zırattarǵa jerlenip jatyr. Búgingi jerleý ádisi osyndaı», - dedi Ajar Ǵınııat.


Joǵary qaraı