Aýa raıy
Astana -17 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýsty anyqtaýǵa arnalǵan 8 mobıldi zerthanalyq keshen satyp alynady

2020 jyldyń 28 qazan 2020 14:43

NUR-SULTAN. QazAqparat - Kúz-qys kezeńinde táýligine koronavırýsty anyqtaýǵa arnalǵan 73 myń zerthanalyq zertteý júrgiziledi. Bul jaıynda QR Premer-Mınıstri Asqar Mamınniń Májilis depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

Úkimet basshysynyń atap ótýinshe, qazirgi ýaqytta PTR testileý 134 zerthanada júrgiziledi. Onyń ishinde 26 zerthana sanıtarlyq-epıdemıologııalyq qyzmetterdiń, 69-y jekemenshik jáne 39-y medıtsınalyq uıymdardyń bazasynda jumys istep tur. Testileý qýaty táýligine 67 248 taldamany quraıdy.

«PTR-amplıfıkatordyń 20, DNQ men RNQ-ny bólýge arnalǵan avtomattandyrylǵan júıeniń 20 birligi jetkizildi. «QDB-Lızıng« AQ-pen 8 mobıldi zerthanalyq keshen jetkizýge arnalǵan kelisimshart jasasý jumystary júrgizilip jatyr. Úkimet rezervinen 1 200 000 zertteýge arnalǵan test satyp alýǵa 13,8 mlrd teńge bólindi. Bul sharalar kúz-qys kezeńinde zerthanalyq zertteýler qýatyn táýligine 73 myńǵa deıin jetkizýge múmkindik beredi», - dedi Asqar Mamın.


Joǵary qaraı