Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýstyń «Omıkron» shtamy Ulybrıtanııada 2 adamnan tabyldy

2021 jyldyń 28 qarasha 2021 22:39

NUR-SULTAN. QazAqparat – Koronavırýstyń jańa shtamy Ońtústik Afrıkadan bólek, «Omıkron» Belgııa, Izraıl, Botsvan jáne Gonkongte tabyldy. Senbi kúni jańa nusqanyń anyqtalǵany týraly Chehııa men Germanııa jarııalady, dep habarlaıdy QazAqparat VVS-ge silteme jasap.

Budan bólek, vırýstyń jańa mýtatsııasy Ulybrıtanııada eki adamnan tabyldy, dedi eldiń densaýlyq saqtaý mınıstri Sadjıd Djavıd. Onyń aıtýynsha, eki jaǵdaı da ózara jáne Afrıkamen baılanysty. Naýqastar qazir úılerinde oqshaýlanyp jatyr.

El premeri Borıs Djonson «Omıkron» túriniń tez taralatynyn málimdedi.
Izraıl úkimetiniń jaýapty mınıstrleri senbi kúni «Omıkron» nusqasymen kúresý tásilderin talqylady, dep habarlady «Gaaretts» gazeti.
Búginde Izraılde Malavıden kelgen áıeldiń «Omıkron» juqtyrǵany anyqtalǵan. Taǵy jeti naýqas osy shtamm juqtyrýy múmkin degen qaýip týdyrýda, dedi senbi kúni densaýlyq saqtaý mınıstrliginen. Olardyń tórteýi taıaýda shetelde bolǵan.
Birinshi kezeńde elge kiretin ızraıldikter úshin úsh kúndik karantın men eki mindetti test engizý týraly sheshim qabyldandy. Birin - elge kelgende, ekinshisin 72 saǵattan keıin tapsyrady. Sheteldikterge elge kirýge ýaqytsha shekteý qoıyldy.
Chehııanyń Lıberets qalasyndaǵy aýrýhanada «Omıkron» juqtyrǵan bir naýqas tabyldy, dep málimdedi aýrýhana ókili Vatslav Rıkar.
«Meniń genetıka men molekýlıarlyq dıagnostıka bólimindegi áriptesterim 90% yqtımaldylyqpen bul shtammdy sekvensıng arqyly rastap otyr», - dedi ol.
Senbi kúni Chehııa premeri Andreı Babısh jýrnalısterge áıeldiń taıaýda Namıbııada bolǵanyn, Chehııaǵa OAR men Dýbaı arqyly oralǵanyn aıtty.
«Naýqastyń qaıdan kelgenin esepke ala otyryp, bunyń sol shtamm ekenine shúbámiz joq», - dedi Rıkar.
Juma kúni keshke Reseı 28 qarashadan bastap Ońtústik Afrıka, Botsvana, Lesoto, Namıbııa, Zımbabve, Mozambık, Esvatını jáne Tanzanııa, sondaı-aq Madagaskar men Gonkong azamattarynyń kirýine shekteý qoıǵany belgili boldy.
Osyǵan uqsas sharalardy birneshe eýropalyq memleketter men Ulybrıtanııa engizdi (senbide London taǵy da «qyzyl tizimdi» keńeıtip, oǵan Angola, Zambııa, Malavı jáne Mozambık kirgizdi).
Dúısenbiden bastap AQSh Afrıkanyń birneshe elinen ushýǵa tyıym saldy. Vırýstyń jańa nusqasy týraly málimdemesinde prezıdent Djo Baıden Dúnıejúzilik saýda uıymyn kovıdke qarsy vaktsınalarǵa patent alyp tastaýǵa shaqyrdy.


Basty sózder: Álem, Álemdegi koronavırýs, Eýropa,
Joǵary qaraı