Aýa raıy
Astana -17 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýstyń jańa tolqyny bolǵan jaǵdaıda medıtsınalyq kadrlar tapshylyǵy bolmaıdy

2020 jyldyń 28 qazan 2020 15:23

NUR-SULTAN. QazAqparat - Koronavırýstyń jańa tolqyny oryn alǵan jaǵdaıda medıtsınalyq kadrlar tapshylyǵy bolmaıdy. Bul jaıynda QR Premer-Mınıstri Asqar Mamınniń Májilis depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Koronavırýs ınfektsııasymen kúres boıynsha medıtsına mamandary qajettiligin qamtamasyz etý 28 myńdy quraıdy. Professor-oqytýshylar quramynan (1 myńnan astam), rezıdentterden (2 myń), eriktilerden (1 500) kadrlyq rezerv jasaqtaldy. Buǵan qosa, bıyl memlekettik tapsyrys aıasynda bilim alǵan 2 328 túlek (onyń ishinde 88 anestezıolog, 26 ınfektsıonıst, 7 pýlmonolog jáne 208 epıdemıolog) bólindi. 60 myńnan astam medıtsına qyzmetkerine koronavırýspen baılanysty ózekti máseleler boıynsha qysqa merzimdi kýrstar ótkizildi», - dedi Premer-Mınıstr.

Onyń atap ótýinshe, medıtsına kadrlaryn qaıta daıarlaý kýrstarynda 150 epıdemıolog, 100 ınfektsıonıst jáne 165 shuǵyl kómek dárigeri oqyp jatyr.

«Konsýltatıvtik jáne tájirıbelik kómek kórsetý maqsatynda koronavırýspen kúres aıasynda jumyldyrylǵan kadrlar boıynsha biryńǵaı málimet bazasy quryldy. Bul sharalar koronavırýs indetiniń jańa tolqyny oryn alǵan jaǵdaıda medıtsınalyq kadrlarǵa qajettilikti tolyq jabýǵa múmkindik beredi», - dedi Asqar Mamın.


Joǵary qaraı