Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Koronavırýstyń jeńil túrine shaldyqqandar aýrýhanaǵa jatqyzylmaıdy

2020 jyldyń 1 shilde 2020 14:15

NUR-SULTAN. QazAqparat – Densaýlyq saqtaý vıtse-mınıstri Lıýdmıla Bıýrabekova elde koronavırýspen aýyr jáne orta dárejede aýyryp jatqan adamdar ǵana aýrýhanaǵa jatqyzylatynyn málim etti, dep habarlaıdy QazAqparat tilshisi.

«Qazirgi tańda koronavırýspen aýyr jáne orta dárejede jatqan naýqastar ǵana aýrýhanaǵa jatqyzylady. Sonymen qatar KVI rastalmaǵan, alaıda pnevmonııamen túsken adamdar da aýrýhanada emdeledi. Al KVI-di jeńil nemese belgisi joq kúıde kóteretinder ambýlatorııalyq jaǵdaıda emdelýi tıis. Sebebi onsyz da statsıonardaǵy tósek-oryn bos emes. Sol sebepti KVI-di jeńil nemese belgisi joq kúıde kóteretin azamattar úıinde emdelip, ýcheskelik dárigerdiń baqylaýynda bolýy tıis», - dedi Lıýdmıla Bıýrabekova OKQ-da ótken baspasóz máslıhatynda.

Eske sala ketsek, Lıýdmıla Bıýrabekova buǵan deıin Qazaqstanda koronavırýs ınfektsııasyn juqtyrǵan adamdardy emdeý hattamasyna jańa shema engizilgenin málim etken edi. Onyń aıtýynsha, qazaqstandyq dárigerler anasynan koronavırýs juqtyryp týǵan 21 sábıdi emdep shyǵarǵan.



Joǵary qaraı