Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Korporatıvtik jemqorlyq máselesine erekshe nazar aýdarý qajet – Memleket basshysy

2022 jyldyń 21 qańtar 2022 16:07

NUR-SULTAN. QazAqparat – QR Prezıdenti Qasym-Jomart Toqaev sybaılas jemqorlyqqa qarsy kúres qyzmetine qatysty Úkimetke jańa mindet júktedi, dep habarlaıdy QazAqparat tilshisi.

«Sybaılas jemqorlyqqa qarsy saıasatqa qatysty bólek reforma júzege asyrylatyn bolady. Biz jemqorlyqtyń sebebimen emes, saldarymen kúresýimiz kerek. Paraqorlyqqa qatysty júıeli taldaý jasaý qajet. Sheneýnikterdiń bıznes pen qarapaıym azamattardyń sharýasyna qandaı bir áser etý yqpalyn azaıtý kerek. Bul sharýaǵa shynaıy túrde kirisken jón.

Agenttik sybaılas jemqorlyqpen kúresýdiń strategııalyq jobasyn ázirledi. Endigi ýaqytta atalǵan jobany Kásipkerler qaýymdastyǵymen talqylaǵan jón. Jáne osy oraıda korporatıvtik jemqorlyq máselesine de erekshe nazar aýdarý qajet», - dedi Qasym-Jomart Toqaev.

Odan bólek, Memleket basshysy elimizdiń tabıǵı baılyǵyn qoldanýǵa qatysty atap ótti.

«Tabıǵı baılyqty tıimdi qoldanýymyz kerek. Úkimet ken oryndaryna revızııa júrgizip, paıdalanylmaı jatqan ken oryndaryn jandandyrý úshin otandyq jáne sheteldik ınvestıtsııany tartýǵa kúsh salý qajet. Eger ken orny bireýdiń menshiginde bolyp, ol qoldanylmaı jatsa, ony qaıtarý kerek», - deıdi ol.


Joǵary qaraı