Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kóshe sypyrǵan muǵalimder: Semeı ákiminiń orynbasary ondaı tapsyrma bermegenin aıtty

2021 jyldyń 18 qazan 2021 16:04

SEMEI. QazAqparat – Semeı qalasy ákiminiń orynbasary Dmıtrıı Garıkov muǵalimderdi kóshe sypyrýǵa májbúrlemegenin málimdedi, dep habarlaıdy QazAqparat tilshisi.

Ótken demalys kúnderi qala kóshelerinde senbilik ótken.

Shahar ákimdiginiń málimetinshe, bul - saıabaqtarda, jaıaý júrginshiler joly men aýlalarda tazalyqty saqtaýǵa baǵyttalǵan qoǵamdyq shara.

Senbilikke myńnan astam adam shyqqan. Barlyǵy 15 kóshe tazalandy.

«Muǵalimderdi senbilikke shyǵarýǵa eshkim nusqaý bergen joq. Bul - ár adamnyń jeke tańdaýy. Senbilik týraly hat menshik nysanyna qaramastan barlyq uıymdarǵa jiberildi. Óıtkeni mundaı sharalardy ótkizý kezinde barlyq jerde solaı jasalady. Kelýdi mindetteıtin jáne bul kúni sabaq ótkizbeý týraly sóz bolǵan joq», - deıdi qala ákiminiń orynbasary Dımıtrıı Garıkov.

Esterińizge sala ketsek, osyǵan deıin áleýmettik jelilerde Semeıde muǵalimderdiń kóshe sypyryp júrgeni qyzý talqyǵa salynǵan bolatyn.

QR Bilim jáne ǵylym mınıstri Ashat Aımaǵambetov atalǵan faktige oraı tekserý júrip jatqanyn málimdegen edi.



Joǵary qaraı