Aýa raıy
Astana -8 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Qosshy aýyly elordaǵa qosyla ma – ákim jaýaby

2020 jyldyń 27 qarasha 2020 15:15

NUR-SULTAN. QazAqparat – Aqmola oblysy ákimi Ermek Marjyqpaev Qosshy aýylynyń elorda aýmaǵyna qosylýy múmkindigine qatysty pikir bildirdi, dep habarlaıdy QazAqparat tilshisi.

«Bul másele turǵyndardyń kóbisin alańdatyp júr. Bul eldi mekende 50 myńnan astam adam turyp jatyr. Osy aýylǵa qatysty jaǵdaıdy Memleket basshysy, Úkimet basshylyǵy erekshe baqylaýda ustap tur. Bul turǵyda birneshe ret talqylaýlar da boldy, ıaǵnı aýyldyń qarjylyq ári ekonomıkalyq baǵyttary esepteldi. Alaıda osy máseleni ulttyq sanaq júrgizgenge deıin shegerdik. Biz aldymen ol eldi mekende qansha adam turyp jatqanyn naqty anyqtaýymyz kerek», - dedi ákim Ortalyq kommýnıkatsııalar qyzmetinde.

Onyń aıtýynsha, sharýashylyq kitaptaǵy tizim boıynsha Qosshyda 36 myń adam turyp jatyr. Úılerdi aralaý kezindegi málimette 60 myń adam bar ekeni anyqtaldy. Al kommýnıkaýııa men telefondar boıynsha 55 myń adam tirkelgeni belgili boldy.

«Osy ártúrli málimetti eskerip, aýylda qansha adam turatynyn aıqandaý qajettigi bar. Osynyń barlyǵyn pysyqtap, tıisti sheshim qabyldanady», - dedi Ermek Marjyqpaev.

Eske sala keteıik, elimizde ulttyq sanaq júrgizý bir jyl keıinge qaldy.

Úkimet ótken jyly 19 maýsymda 2020 jyly ulttyq sanaq ótkizý týraly qaýly shyǵarǵan. Oǵan sáıkes, Qazaqstan Respýblıkasynyń ulttyq halyq sanaǵy bıylǵy 1-30 qazan aralyǵynda ótýge tıis edi. Elimizde koronavırýs ınfektsııasynyń taralýy men engizilgen karantın sharalaryna baılanysty ulttyq halyq sanaǵyn 2021 jylǵy qazan aıyna aýystyrý jóninde sheshim qabyldandy.


Avtor Rýslan Ǵabbasov
Basty sózder: Aqmola oblysy, Qoǵam, Ákim,
Joǵary qaraı