Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qosshy qalasyna alǵashqy prokýror taǵaıyndaldy

2021 jyldyń 18 tamyz 2021 18:21

KÓKShETAÝ. QazAqparat - Qazaqstan Respýblıkasy Bas Prokýrorynyń buıryǵymen Júsip Erbolat Qosshy qalasynyń prokýrory laýazymyna taǵaıyndaldy, dep habarlaıdy QazAqparat tilshisi Aqmola oblysy prokýratýrasynyń baspasóz qyzmetine silteme jasap.

Júsip Erbolat Erkinuly 1979 jyly dúnıege kelgen. Qazaq memlekettik zań akademııasyn «Quqyqtaný» mamandyǵy boıynsha bitirgen.

Prokýratýra organdaryndaǵy qyzmetin 2001 jyly bastaǵan.

Batys aımaqtyq kólik prokýratýrasynyń bólim bastyǵy, Aqmola oblysy prokýratýrasynyń, Bas kólik prokýratýrasynyń Basqarma bastyǵy, SQO Ýálıhanov aýdanynyń prokýrory, Aqmola oblysy prokýratýrasynyń Basqarma bastyǵy – Apparat basshysy qyzmetterin atqarǵan.

Synyptyq sheni – ádilet keńesshisi.

Eske sala ketsek, 27 shildedegi Memleket basshysy Qasym-Jomart Toqaevtyń Aqmola oblysynyń ákimshilik-aýmaqtyq qurylysyndaǵy ózgerister týraly Jarlyǵyna sáıkes Qosshy aýyly oblystyq mártebesi bar qalaǵa aınaldy.


Joǵary qaraı