Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qosshyda jalǵa alǵan úıinde esirtki ósirip kelgen Reseı azamaty ustaldy

2022 jyldyń 16 mamyr 2022 19:05

QOSShY. QazAqparat - Aqmola oblysynyń Qosshy qalasynda «esirtki óndirisin» ashqan shetel azamaty ustaldy, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, Qosshy qalalyq polıtsııa bóliminiń esirtki qylmysyna qarsy is-qımyl basqarmasynyń qyzmetkerleri «Lesnaıa polıana» turǵyn úı massıviniń aýmaǵynda 31 jastaǵy jergilikti turǵyndy ustaǵan.

Er adamnan temeki shegýge arnalǵan qoldan jasalǵan quraldar jáne ósimdik tektes zat, erekshe ıisi bar 100-ge jýyq sirińke qoraby tárkilendi. Alynǵan zat marıhýana ekeni anyqtaldy.

«Polıtsııa qyzmetkerleri tabylǵan esirtkini satý jolyn anyqtaý maqsatynda Qosshy qalasynda júrgizgen arnaıy operatsııa barysynda Reseı Federatsııasynyń 39 jastaǵy azamatyn ustady. Sheteldik jaldap turǵan úıden keptirilgen belgili bir ıisi bar sur-jasyl ósimdik tektes zat, sondaı-aq, salmaǵy 19 kg bolatyn ósimdiktiń 35 butasy tárkilendi. Sonymen birge, esirtki ósirýge jáne óndirýge arnalǵan ártúrli qurylǵylar, sonyń ishinde kún sáýlesin modeldeýge arnalǵan arnaıy shamdar, topyraqqa arnalǵan tyńaıtqysh jáne temperatýra sensorlary tabyldy», - dedi vedomstvodan.




Er adam 2011 jyldyń tamyz aıynan bastap Reseı Federatsııasy Qylmystyq kodeksiniń 111-baby boıynsha memleketaralyq izdeýde júrgen.

«Qazirgi ýaqytta QR QK 297-baby 2-bóligine sáıkes quramynda esirtki bar ósimdikterdi zańsyz ósirý deregi boıynsha qylmystyq is qozǵaldy. Polıtsııa qyzmetkerleri qajetti tergeý sharalaryn júrgizip jatyr. Aıyptalýshy qamaýǵa alyndy», - dep tolyqtyrdy vedomstvodan.

Aıta ketsek, Aqmola oblysynda 13 jasar qyzdy zorlaǵan kúdikti 20 jylǵa sottaldy.


Joǵary qaraı