Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qosshyda joǵalǵan 6 jasar qyz tabyldy

2021 jyldyń 11 sáýir 2021 00:01

KÓKShETAÝ. QazAqparat - Aqmola oblysynyń Qosshy aýylynda joǵalǵan 6 jasar qyz bala elordadan tabyldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, Tselınograd aýdandyq PB kezekshilik bólimine Qosshy aýlynyń turǵyny áıel habarlasyp, psıhıkalyq dertke shaldyqqan 23 jastaǵy uly úıden 6 jastaǵy qaryndasyn ertip belgisiz baǵytta ketip qalǵanyn aıtqan.

Bul týraly áıel áleýmettik jelige jazba qaldyryp, jeli qoldanýshylardan kómek te surady.

«Polıtsııa qyzmetkerleri birneshe topqa bólinip, izdestirý sharalaryn qolǵa aldy. Nátıjesinde jas jigit pen qyz bala Nur-Sultan qalasyndaǵy «Eýrazııa» saýda úıiniń mańynda júrgeni anyqtaldy», - dedi vedomstvodan.

PD baspasóz qyzmetinen atap ótkendeı, qazirgi kezde joǵalǵan qyz anasymen qaýyshty. Onyń ómirine esh qaýip tónip turǵan joq. Al, onyń 23 jastaǵy aǵasyna qatysty psıhonevrologııalyq dıspanserge ornalastyrý máselesi qaralýda.


Avtor Aslan Ospanov
Basty sózder: Oqıǵa, Aqmola oblysy,
Joǵary qaraı