Aýa raıy
Astana 19 °S
Almaty 20 °S
valıýta baǵamy
USD 411.66
EUR 465.92
RUB 5.81
CNY 58.79

Qosshydaǵy kólik keptelisi: Ákimdik túsinikteme berdi

2019 jyldyń 12 qarasha 2019 16:44

NUR-SULTAN. QazAqparat – Qosshyda bolǵan uzyn-sonar kepteliske qatysty Tselınograd ákimdigi túsinikteme berdi, dep habarlaıdy QazAqparat tilshisi.

«Qosshy aýylyna kire beriste Respýblıka kóshesinen buryla bergen tusta turǵan baǵdarsham istemeı qalǵan. Ol baǵdarshamǵa Nur-Sultan qalalyq qyzmeti(...) jaýapty. Biz «І-Komek» qyzmetine qońyraý shalyp, baǵdarshamdy jóndeý kerektigi týraly ótinish qaldyrdyq. Olar bizge qaıtadan habarlasyp, máseleniń sheshilgenin habardar etti. Bilýimshe, fakt boıynsha istiń qosymsha mán-jaıy anyqtalyp jatyr», - dedi Aqmola oblysy Tselınograd aýdany jolaýshylar tasymaly jáne avtokólik joldary bóliminiń basshysy Arman Jumaǵulov QazAqparat tilshisine.

Onyń aıtýynsha, qazirgi kezde jaǵdaı rettelýde.

«Ol jerde tańerteń jol-kólik oqıǵasy bolǵan. Alaıda ol joldy jaýyp tastaıtyndaı aýqymdaǵy kólik apaty emes. Ol kólikter jol shetinde turǵan. Dál qazirgi ýaqytta baǵdarshamnyń túsin retteý jumysy júrgizilip jatyr. Jýyq arada qosymsha taǵy habarlaımyz», - deıdi A.Jumaǵulov.

Aıta ketsek, buǵan deıin Qosshy aýylyna kireberistegi baǵdarshamnyń istemeı qalǵany jáne uzyn-sonar kólik keptelisi týraly áleýmettik jelide jazylǵan edi.

Avtor Aıan Bekenuly
Basty sózder: Aqmola oblysy, Qoǵam, Kólik,
Joǵary qaraı