Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysy ákiminiń fýtbolshylardy aldap ketkeni ras pa

2020 jyldyń 3 jeltoqsan 2020 21:44

QOSTANAI.QazAqparat – Arhımed Muhambetov qostanaılyq «Tobyldyń» fýtbolshylaryna syıaqy taǵaıyndaǵan joq. Bul týraly komanda kapıtany Azat Nurǵalıev aıtyp berdi, dep habarlaıdy QazAqparat «Tobyldyń» resmı saıtyna silteme jasap.

Áleýmettik jelilerde Qostanaı oblysynyń ákimi Arhımed Muhambetovtiń fýtbolshylardy aldap ketkeni týraly habarlamalar tarady. Osyǵan baılanysty «Tobyldyń» kapıtany Azat Nurǵalıev pikir bildirdi. Onyń aıtýynsha, óńir basshysy fýtbolshylardyń kúndelikti usaq-túıekterge alańdamaı, tek fýtbolǵa nazar aýdarýy úshin kóp jumys jasaǵan.

«Osyndaı qıyn ýaqytta basshylyqtyń qoldaýynsyz kúrdeli mindetterdi sheshý múmkin emes ekenin túsinemiz. Sol sebepti oıynshylardyń kúndelikti usaq-túıekterge alańdamaı, tek fýtbolǵa nazar aýdarýy úshin kóp jumys jasaldy. Osy jetistikke Qostanaı oblysynyń ákimi Arhımed Muhambetovtiń qosqan úlesin erekshe atap ótkim keledi. Biz Arhımed Begejanulynyń qoldaýyn, tipti qatań karantın kezinde de, basqa klýbtarda qarjylyq problemalar týyndaǵan kezde de sezindik. Maýsym barysynda jalaqy men syılyqaqylar árdaıym kidirissiz tólendi, bul psıhologııalyq turǵydan óte mańyzdy. Jaqynda ınternetten bizge ekinshi oryn úshin syıaqy berilýi kerek bolǵanyn, keıin basshylyqtyń aldap ketkenin oqydyq. Mundaıdyń biri de bolǵan joq! Dál qazirgi ýaqytta komandalastarymnyń bireýi de «Tobylǵa» qarjylyq jaǵynan shaǵym aıta almaıdy. Kelisim-shart boıynsha ýaqytyly jalaqymyzdy alyp otyrdyq», - deıdi Azat Nurǵalıev.

Sondaı-aq, chempıonattyń sońǵy týrynda Arhımed Muhambetov «Tobyl» komandasyn vıtse-chempıondyq ataǵymen quttyqtap, beınebaılanysqa shyqqan.


Joǵary qaraı