Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysyna koronavırýsqa qarsy 1300 vaktsına ákelinedi

2021 jyldyń 20 qańtar 2021 12:50

QOSTANAI. QazAqparat – Búgin Qostanaı oblysynyń ákimi Arhımed Muhambetov koronavırýstyq ınfektsııanyń taralýyna jol bermeý boıynsha jedel shtabtyń otyrysyn ótkizdi, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Keńes barysynda koronavırýsqa qarsy vaktsınatsııany uıymdastyrý máselesi qarastyryldy. 2021 jyldyń 1 aqpanynda koronavırýsqa qarsy vaktsınalar Qazaqstan boıynsha taratylady. Sonyń ishinde Qostanaı oblysyna ákelinetin vaktsınanyń birinshi partııasy 1300 danany quraıdy.

Vaktsınatsııalaý úshin adamdar kontıngenti anyqtaldy. Olar: ınfektsııalyq statsıonarlardyń, jedel medıtsınalyq kómektiń, reanımatsııa jáne qarqyndy terapııa bólimsheleriniń, alǵashqy medıtsınalyq-sanıtarııalyq kómek uıymdarynyń, statsıonarlardyń qabyldaý bólmeleriniń, sanepıdqyzmettiń qyzmetkerleri.

Medıtsınalyq uıymdardyń janynda vaktsınatsııa kabınetteri daıyndaldy, sondaı-aq kóshpeli mobıldi toptar quryldy. Óńirde senbi jáne jeksendi kúnderi aýdany 2 myńnan asatyn azyq-túlik emes saýda nysandary men jabyq azyq-túlik bazarlarynyń jumysy toqtaıdy. Buǵan qosa SPA ortalyqtardyń, sport nysandarynyń qyzmetine, qoǵamdyq kólik qozǵalysyna ýaqytsha tyıym salyndy.

Keńes qorytyndysy boıynsha Arhımed Muhambetov KVI-nyń odan ári taralýyna jol bermeý sharalaryn jalǵastyrýdy, sondaı-aq halyqqa vaktsınatsııa júrgizý boıynsha túsindirý jumystaryn júrgizýdi tapsyrdy.


Joǵary qaraı