Aýa raıy
Astana 31 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Qostanaı oblysyna Reseıden dári aldyryp, zańsyz satqan kásipker ustaldy

2020 jyldyń 9 shilde 2020 16:23

QOSTANAI.QazAqparat – Qostanaı oblysynyń polıtsııa departamenti dári-dármekterdi zańsyz satqan azamatty ustady, dep habarlaıdy QazAqparat.

Departamenttiń baspasóz qyzmeti taratqan aqparatqa súıensek, 29 jastaǵy jergilikti kásipker Reseı Federatsııasyndaǵy tanysynan dári-dármek alyp otyrǵan. Dárilerdi Qostanaı oblysynyń aýdandarynda negizgi baǵasynan 30 paıyzǵa qymbatqa satqan.

«Ony ustaǵan kezde avtomobıl salonynda jedel respıratorlyq aýrýlardy emdeýde qoldanylatyn dári-dármekterdiń 18-den astam túri anyqtaldy. Barlyǵy 200-den astam dári-dármek tárkilendi. Olardyń arasynda «Paratsetamol», «ATsTs», «Aspırın» bar. Qazirgi ýaqytta atalǵan fakti boıynsha QR Qylmystyq kodeksiniń 214-babymen («Zańsyz kásipkerlik qyzmet») sotqa deıingi tergeý júrgizilýde. Sondaı-aq, polıtsııa medıtsınalyq maskalardy lıtsenzııasyz júzege asyrýdyń eki faktisin anyqtady. Oblys ortalyǵyndaǵy dúkenderdiń birinde medıtsınalyq maskalardy satyp kelgen 50 jastaǵy er adam ustaldy. Tárkilengen materıaldar Qostanaı oblysy boıynsha taýardyń jáne qyzmetterdiń sapasy men qaýipsizdigin baqylaý departamentiniń qaraýyna jiberildi», - deıdi polıtsııanyń baspasóz qyzmetindegiler.

Aıta keteıik, oblys aýmaǵyndaǵy sanıtarlyq-dezınfektsııalyq rejımniń saqtalýyn ákimdikter men «Atameken» UKP-nyń, taýarlar jáne kórsetiletin qyzmetterdiń sapasy men qaýipsizdigin baqylaý organdarynyń ókilderinen, sondaı-aq jergilikti polıtsııa qyzmetkerlerinen qurylǵan 40 monıtorıng toby baqylaýda. Arnaıy top búginge deıin 4 myńnan astam reıd júrgizip, jalpy sany 1 670 shaǵyn azyq-túlik dúkenderi men iri saýda ortalyqtaryn teksergen. Karantın kezinde monıtorıng toby júrgizgen tekserý nátıjesinde 342 tártip buzýshylyq anyqtalyp, 20 bıznes nysannyń qyzmeti toqtatyldy. 125 ákimshilik hattama toltyrylyp, sotqa jiberildi.

Búgin Qostanaı oblysynyń ákimi Arhımed Muhambetov koronavırýs ınfektsııasyna qatysty óńirdegi ahýaldy baıandaǵan bolatyn. Oblys ákimi aıtqandaı, óńirde dári-dármek tapshylyǵy baıqalmaıdy.




Joǵary qaraı