Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda 500 shaqyrym jol jóndeledi

2020 jyldyń 5 tamyz 2020 02:18

QOSTANAI. QazAqparat – Qostanaı oblysynda «Nurly jol» memlekettik baǵdarlamasy sheńberinde 37 jobany júzege asyrý josparlanǵan. Bul týraly oblys ákimdiginde ótken apparat jıynynda aıtyldy, dep habarlaıdy QazAqparat.

37 jobanyń 20-sy bıyl jyl sońyna deıin aıaqtalady. Qalǵany aldaǵy jyly jalǵasady. Baǵdarlamanyń oryndalý barysy týraly jolaýshylar kóligi jáne avtomobıl joldary basqarmasynyń basshysy Oljas Nurǵalıevtiń baıandady.

Onyń aıtýynsha, bıyl kólik joldarynyń sapasyn jaqsartýǵa ekpin túsiriledi. Barlyǵy 500 shaqyrymnan astam jol jóndeýden ótpek.

«Jyl basynan beri 291 shaqyrym asfaltbeton jabynyn frezerleý jumysy atqaryldy. Beıimbet Maılın, Qarabalyq, Qarasý, Uzynkól, Arqalyq, Amangeldi jáne Áýlıekól, Altynsarın, Sarykól jáne Meńdiqara aýdandarynda jol ýchaskeleri jóndeldi. Sondaı-aq, eski qyrtysqa jańa materıal aralastyra otyryp qaıta óńdeý arqyly 239 shaqyrym jol jóndelip, 194 shaqyrymyna betondy asfalt jabyny tóseldi. Bul joldardyń boıyndaǵy 38 sý ótkizý qubyry aýystyryldy. Respýblıkalyq mańyzǵa ıe joldardyń tehnıkalyq jaǵdaıyn qalpyna keltirý jáne kútip ustaý úshin avtomobıl joldary ortasha jóndeýden ótedi. 20 myń shaqyrym joldyń shuńqyry bitelip, 3 myń sharshy metri resaıklıng tásilimen qalypqa keltiriledi», - dedi Oljas Nurǵalıev.

Jalpy, oblysta respýblıkalyq mańyzy bar avtokólik joldaryn jóndeýge 15,5 mlrd teńge bólingen. Bul 2019 jylǵa qaraǵanda 2 ese kóp.


Joǵary qaraı