Aýa raıy
Astana -6 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda 5790 adam jumysqa ornalasty

2020 jyldyń 20 qazan 2020 13:41

QOSTANAI.QazAqparat – Arhımed Muhambetov «Jumyspen qamtýdyń Jol kartasy» memlekettik baǵdarlamasyn júzege asyrý boıynsha keńes ótkizdi, dep habarlaıdy QazAqparat oblys ákiminiń baspasóz qyzmetine silteme jasap.

Jumyspen qamtýdyń 2020 jylǵa arnalǵan Jol kartasyn iske asyrýdyń negizgi maqsaty – ınfraqurylymdy jáne turǵyn úı-kommýnaldyq sharýashylyǵyn damytý, jumyspen qamtý, onyń ishinde aýyldarda, kentterde, shaǵyn qalalarda ınfraqurylymdyq damý jobalaryn iske asyrý. Jıyn barysynda oblys ákimine ár aýdan-qalanyń ındıkatorlary tanystyryldy. Jalpy, óńirde memlekettik baǵdarlama sheńberinde 55,8 mlrd teńge somasyna 282 jobany iske asyrý kózdelgen. Nátıjesinde 14340 jumys ornyn qurý josparlanǵan, qazirgi ýaqytta jumyspen qamtý ortalyqtary arqyly 5790 adam ornalastyryldy. Osylaısha, jyldyq jospar oryndaldy.

Bıyl óńirdegi shaǵyn jáne orta bıznestiń damýyna koronavırýs pandemııasy aıtarlyqtaı áser etken. Soǵan qaramastan «Bıznestiń jol kartasy-2025» baǵdarlamasyn iske asyrý arqyly kásipkerlerdiń tabysy saqtalyp, jańa jumys oryndary ashyldy. Baǵdarlama bastalǵaly Qostanaı oblysynda 2 myńnan astam joba qoldaý tapqan.

Keńeste 2021 jylǵa arnalǵan jobalar qarastyryldy. Arhımed Muhambetov memlekettik mekeme basshylaryna Jumyspen qamtýdyń Jol kartasy aıasynda júzege asyrylyp jatqan jobalardy únemi baqylap otyrýdy tapsyrdy.


Joǵary qaraı