Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda birneshe kúnde 3 bala terezeden qulap ketken

2021 jyldyń 5 tamyz 2021 12:37

QOSTANAI. QazAqparat –Sońǵy birneshe kún ishinde Qostanaı oblysynda úsh bala terezeden qulap ketken, dep habarlaıdy QazAqparat tilshisi oblystyń Polıtsııa departamentiniń baspasóz qyzmetine silteme jasap.

«Sońǵy 5 kún ishinde Qostanaı oblysy aýmaǵynda úsh bala kópqabatty úılerdiń terezesinen qulap ketken. Zardap shekkender bar bolǵany 2, 3 jáne 5 jasta. Olardyń barlyǵy aýrýhanada aýyr halde jatyr. Sońǵy jaǵdaı keshe oblys ortalyǵynda boldy. 2018 jyly týǵan bala birneshe mınýtqa ǵana ákesiniń nazarynan tys qalǵan», - dep atap ótti oblystyq basqarmada.

Terezeden qulap ketý sebepteri burynǵydaı: terezeleri ashyq páterderde balany qaraýsyz qaldyrý, terezede qaýipsizdikti qamtamasyz etetin arnaıy blokırator, shekteýish nemese ózge qorǵanystyń bolmaýy, tereze aldyna ústel, oryndyq, dıvannyń bolýy.

«Terezenyń qaýipsizdigin aldyn ala oılastyrý arqyly osnydaı jaǵdaıdy boldyrmaý kerek. Blokırator men shekteýishtiń baǵasy birneshe myń teńgeden aspaıdy, al ol bolmasa balalardyń ómirine qaýip tónedi», delingen habarlamada.

Qostanaı oblysynyń polıtsııa departamenti ata-analardan saq bolýdy jáne balalardy qaraýsyz qaldyrmaýdy suraıdy.

Avtory Janna Musabaeva


Basty sózder: Qostanaı oblysy, Oqıǵa, QR ІІM,
Joǵary qaraı