Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda byltyrǵy bıýdjettiń 3 mlrd teńgesi ıgerilmeı qalǵan

2021 jyldyń 20 qańtar 2021 13:29

QOSTANAI. QazAqparat - Byltyr Qostanaı oblysynda bıýdjettiń 3 mlrd teńgege jýyq qarajaty ıgerilmeı qalǵan. Oblystyq máslıhat depýtattarynyń kelisimimen bul soma bıyl túrli qajettilikterge qaıta úlestiriletin bolady, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Oblystyq máslıhattyń kezekten tys sessııasynda Qostanaı oblysynyń byltyr ıgerilmegen 3 mlrd teńgege jýyq bıýdjet qarajatyn qaıta qarastyrý máselesi talqylandy. Ekonomıka jáne bıýdjettik josparlaý basqarmasynyń basshysy Gúlbaram Musaǵazınanyń aıtýynsha, Bıýdjet kodeksine sáıkes oblystyq bıýdjetke jergilikti atqarýshy organnyń bastamasy boıynsha ózgerister engiziledi.

«2020 jylǵy bıýdjettiń kiris bóligin asyra oryndaý nátıjesinde oblystyq bıýdjetti qaıta bólý usynylady. Jolaýshylar kóligi jáne avtomobıl joldary basqarmasyna 1, 2 mlrd teńge bólinedi. Bul qarjy Amangeldi, Denısov, Jangeldın, Qarabalyq, Naýyrzym aýdandaryndaǵy avtomobıl joldaryn ortasha jóndeýge baǵyttalady. Oblystyq bilim basqarmasyna 564,6 mln teńge jumsalsa, onyń 378,1 mln teńgesine Amangeldi aýdanyndaǵy Amangeldi orta mektebiniń ǵımaratyna kúrdeli jóndeý júrgiziledi. 98,5 mln teńgege «Jas maman» respýblıkalyq jobasy sheńberinde oqý jabdyqtary satyp alynady. K. Dónenbaeva atyndaǵy kásiptik-tehnıkalyq kolledji, Áýlıekól aýyl sharýashylyǵy kolledji, Jitiqara polıtehnıkalyq kolledji, Qostanaı ındýstrııalyq-pedagogıkalyq kolledji, Qostanaı turmystyq servıs kolledji, Fedorov aýyl sharýashylyǵy kolledji, Lısakov tehnıkalyq kolledjine jabdyqtar jetkiziledi», - dedi basqarma basshysy.

Bıýdjetten ıgerilmeı qalǵan 464 mln teńge Energetıka jáne turǵyn úı-kommýnaldyq sharýashylyq basqarmasyna baǵyttaldy. 159,2 mln teńge Abaı jáne Mırolıýbov aýyldary arasynda ornalasqan Uzynkól magıstraldy sý qubyryn qaıta jańartýǵa bólindi.

Atqarýshy bıliktiń bul usynysyn depýtattar biraýyzdan maquldady.


Joǵary qaraı