Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda eki bala terezeden qulap ketti

2020 jyldyń 5 tamyz 2020 23:51

QOSTANAI. QazAqparat – Qostanaı qalasynda 4 kún ishinde eki bala úıdiń terezesinen qulap ketti, dep habarlaıdy QazAqparat oblystyq TJD baspasóz qyzmetine silteme jasap.

Birinshi oqıǵa búgin oblys ortalyǵyndaǵy 8-shi shaǵyn aýdanda bolǵan. 3 jasar bala ekinshi qabattaǵy terezeden qulap ketken. Quqtarýshylardyń aıtýynsha, bala moskıt toryn ustap turǵan.

Qazir jaraqat alǵan bala oblystyq balalar aýrýhanasynyń travmatologııa bóliminde jatyr. Dárigerler «jabyq bas súıek-mı jaraqaty, mı shaıqalýy» dıagnozyn qoıǵan.

TJD málimeti boıynsha 1 tamyz kúni keshke taman Qaıyrbekov kóshesiniń boıyndaǵy úıdiń besinshi qabatynan 2015 jyl týǵan bala qulap ketken.

«Balanyń ata-anasy jumysta bolǵan. 4 jasar qyz ózinen eresek balalardyń qasynda qalady. Oınap júrgen qyz terezege shyǵyp ketedi. Moskıt tory úzilip ketip, tómenge qulaǵan. Birneshe jerden jaraqat alǵan bala oblystyq balalar aýrýhanasynyń jansaqtaý bóliminde jatyr. Jaǵdaıy aýyr dep baǵalanýda», - delingen TJD baspasóz habarlamasynda.

Oblystyq TJD balalardy qaraýsyz qaldyrmaýǵa shaqyrady.


Joǵary qaraı