Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda halyqtyń 53 paıyzy tolyq vaktsınalandy

2021 jyldyń 14 qyrkúıek 2021 13:15

NUR-SULTAN. QazAqparat – Qostanaı oblysy ákiminiń orynbasary Erlan Spanov óńirdegi epıdemıologııalyq ahýal jaıly baıandady, dep habarlaıdy QazAqparat tilshisi.

«Pandemııa bastalǵannan beri Qostanaı oblysynda COVID-19 juqtyrýdyń 31 492 jaǵdaıy tirkeldi. Qazirgi ýaqytta 21 statsıonarda 607 adam em alyp jatyr, júkteme – 34%. Qajet bolǵan jaǵdaıda tósek-oryn sanyn 3 myńǵa deıin arttyrýǵa daıynbyz», - dedi Erlan Spanov Ortalyq kommýnıkatsııalar qyzmetinde ótken baspasóz máslıhatynda.

Karantındik sharalardyń saqtalýyn baqylaý maqsatynda mobıldi toptardyń jumysy da jalǵasýda.

Bıyl 1 tamyzynan bastap óńirde 2 myńnan astam reıd júrgizilgen jáne 206 buzý faktisi anyqtalǵan.

«Halyqty COVID-19-ǵa qarsy vaktsınalaý jumystary jalǵasýda. Emhanalardan bólek, halyq kóp jınalatyn jerlerde vaktsına salatyn beketter ashyldy. Qazirgi ýaqytta halyqtyń 61%-dan astamy birinshi komponent, 53%-dan astamy ekinshi komponent saldyrǵan», - dedi spıker.

Sonymen birge «Ashyq» jobasyna qatysý úshin 4 819 ótinim berilgen, onyń ishinde 4 719 kásiporyn QR-kod aldy.

Bıylǵy 1 tamyzben salystyrǵanda oblysta «Ashyq» jobasyna qatysýshylar sany 1 978 kásiporynǵa nemese 41%-ǵa artqan.


Joǵary qaraı