Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qostanaı oblysynda karantın talaptary kúsheıtildi

2022 jyldyń 28 qańtar 2022 16:39

NUR-SULTAN. QazAqparat – Qostanaı oblysy memlekettik bas sanıtar dárigeriniń jańa qaýlysy jaryq kórdi, dep habarlaıdy QazAqparat tilshisi.

«Oblys aýmaǵynda COVID -19 vırýsy taralýynyń kúrt ósýine baılanysty forýmdar, konferentsııalar, semınarlar, oıyn-saýyq, merekelik, estelik is-sharalar (banketter, úılený toılary, mereıtoılar, eske alý), onyń ishinde úıde jáne ashyq aýada da, úı ishinde de adamdar kóp jınalatyn ózge de is-sharalardy ótkizýge tyıym salynady. Sondaı-aq, jappaı korporatıvtik jáne basqa da is-sharalar ótkizý úshin jeke úıler men qurylystardy jalǵa alýǵa ruqsat berilmeıdi. Tek qana vaktsına alǵan 10 adamnyń kezdesýine ruqsat etiledi», - delingen jańa qaýlyda.

Sonymen qatar jańa qaýlyda «Ashyq» jobasymen jumys isteıtin nysandardyń jumysy naqtylanǵan.

«Kórmelerdiń, túngi jáne oıyn klýbtarynyń jumysyna tyıym salynady. «Ashyq» jobasyna qatysatyn nysandar Densaýlyq saqtaý mınıstrliginiń № 7 sáıkes jumys isteıdi. Onyń qatarynda teatr, mádenıet úıi, kontsert zaldar men fılarmonııa bar. Dinı nysyndardyń (meshit, shirkeýler, sobor, sınagoga jáne t.b.) qyzmetine ruqsat. Biraq, kópshiliktiń qatysýynsyz», - dep bekitti oblystyń bas sanıtar dárigeri.

Jańa qaýlyda bilim berý mekemeleriniń jumysy da bekitilgen.

«Bastaýysh synyp oqýshylaryna (halyqaralyq mektepterdegi 1-6 synyptar) dástúrli túrde oqýyna ruqsat. Jalpy mektepte 600 oqýshydan az bolsa, dástúrge saı oqı alady. Al eger 600-den kóp oqýshy bolsa, onda 50/50 (dástúrli, qashyqtan) aralas formatta bilim berýge ruqsat. Joǵary oqý oryndary men kolledjderde («qyzyl aımaq») aralas formatta – praktıkalyq, zerthanalyq, semınarlyq sabaqtar, ıkemdi grafık boıynsha shtattyq rejımdegi óndiristik praktıka, dárister – onlaın formatta. Bilim berý uıymy ákimshiliginiń qalaýy boıynsha vaktsınatsııalaýdyń tolyq kýrsyn alǵan oqýshylardy shtattyq formatta oqytýǵa jol beriledi»- dep bekitilgen.

Odan bólek, qujatta barlyq nysandarda karantın talaptary men qaýipsizdik sharasy qatań saqtalý kerektigi aıtylǵan.


Joǵary qaraı