Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda memlekettik tilde oqytatyn mektep salynady

2020 jyldyń 28 maýsym 2020 19:53

QOSTANAI. QazAqparat – Bıyl Qostanaı oblysynda 3 mektep salynyp, 30 bilim ǵımaratyna kúrdeli jóndeý jumystary júrgiziledi. Aýqymdy jobalar negizinen «Aýyl - El besigi» jáne «Jumyspen qamtýdyń jol kartasy» baǵdarlamalary arqyly qarjylandyrylady, dep habarlaıdy QazAqparat.

Óńirde bilim salasyna qatysty ilki jobalar jeterlik. Máselen, Qarasý aýylyndaǵy apatty jaǵdaıda turǵan bilim oshaǵynyń ornyna taıaýda 320 oryndyq jańa mektep qurylysy bastalady. Nysan «Jumyspen qamtýdyń jol kartasy» aıasynda júzege asyrylady. Munda tek memlekettik tilde oqytylady. Atalmysh mekteptiń dırektory Aıgúl Arǵynǵazınanyń aıtýynsha, eski mekteptiń ǵımaraty 1968 jyly paıdalanýǵa berilgen. Bastapqyda kitaphana retinde ǵana ashylǵan.


«Aýdan ortalyǵyna tek memlekettik tilde oqytatyn mekteptiń qajettiligi bilinetin. Bıyl bul oılaǵanymyz da iske aspaq. Bir jaǵynan túlekterimizge jumys taýyp berý máselesin birjaqty etýge bolady. Bul jańalyqty estigen balalar da, ata-analarymyz da qýandy. Negizi munda 2008 jáne 2010 jyldary aǵymdaǵy jóndeý jumystary ótken. 50 jyldan astam paıdalanylyp kele jatqan ǵımarat ábden eskirdi», - deıdi Aıgúl Arǵynǵazına.

Qurylys-montaj jumystaryn júrgizýge «Syl» JShS-men 596,3 mıllıon teńge somasyna shart jasaldy. Qarjy «Jumyspen qamtýdyń jol kartasy» sheńberinde respýblıkalyq bıýdjetten bólindi. Merdiger uıym 8 aıdyń ishinde barlyq qurylys jáne árleý jumystaryn aıaqtaýdy josparlap otyr.




Oblystyq bilim basqarmasy 2020 jyly júzege asatyn qurylys jobalary men kúrdeli jáne jeńil jóndeýden ótetin nysandar tizimin jasady. Bul tizimge jalpy somasy 9,2 mlrd teńge bolatyn 35 ınfraqurylymdyq joba enip otyr. Baǵdarlamany júzege asyrý barysynda 2300 ýaqytsha jumys orny ashylady.


Joǵary qaraı