Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda úsh órt sóndirý beketi ashyldy

2020 jyldyń 1 jeltoqsan 2020 05:26

QOSTANAI. QazAqparat - Qostanaı oblysynda úsh órt sóndirý beketi ashyldy, dep habarlaıdy QazAqparat.

Qostanaı oblysynyń Tótenshe jaǵdaılar departamentiiniń málimetinshe, ınfraqurylymnyń barlyq salasyna, sonyń ishinde órt sóndirý salasyna ınnovatsııa engizile bastady.

Tótenshe jaǵdaılar departamenti jergilikti atqarýshy organdarmen birlese otyryp, 2014 jyldan beri halyq sany 67 myńnan astam 105 eldi mekendi qosymsha órtke qarsy qorǵaýmen qamtamasyz etetin 35 órt sóndirý beketin qurǵan. Barlyq beketter jeke kásipkerlik sýbektileriniń bazasynda qurylǵan jáne qajet bolǵan jaǵdaıda dala órtin, sondaı-aq memlekettik órtke qarsy qyzmet bólimsheleri joq eldi mekenderde órtterdi sóndirý úshin tartylady.

Bıyl oblystyq TJD órt sóndirý beketterin qamtamasyz etý úshin 5 órt sóndirý tehnıkasyn bóldi. Naýryzym aýdanynyń Sholaqsaı, Qarasý aýdanynyń Amangeldi jáne Arqalyq mańyndaǵy Molodejnoe aýyldarynda jańa órt sóndirý beketi ashyldy. Olar 7 eldi mekendi jáne olarǵa irgeles dala alqaptaryn órtten qorǵaýdy qamtamasyz etedi. Olardyń komandalary tek órt sóndirýge ǵana shyǵyp qoımaı, olardyń jaýapkershilik aımaǵynda bolyp jatqan kez kelgen tótenshe jaǵdaıdy joıýǵa qatysady, sondaı-aq qıyn jaǵdaıǵa tap bolǵan adamdarǵa kómektesedi.

«Osy aýdandardyń turǵyndary úshin órt sóndirý beketteriniń ashylýy mańyzdy oqıǵa. Memlekettik órtke qarsy bólimshelerdiń alys bolýyna baılanysty, kóbinese, jergilikti órtter órt sóndirýshiler kómegi kelgenge deıin órt kóp jerdi sharpyp úlgeredi. Endi jańadan qurylǵan órt sóndirý beketteriniń tótenshe jaǵdaıǵa der kezinde shyǵýy, keltirilýi yqtımal zalaldy azaıtýǵa múmkindik beredi», delingen habarlamada.

Órt sóndirý beketteriniń saltanatty ashylýyna TJD aýmaqtyq bólimsheleriniń bastyqtary, ákimdik ókilderi jáne órt sóndirý beketiniń jeke quramy qatysty. Shaqyrylǵandar órt sóndirý beketiniń tehnıkasyn qarap shyqty.


Joǵary qaraı