Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda jarty mıllıonǵa jýyq kóshet egý josparlanyp otyr

2021 jyldyń 18 qazan 2021 15:45

QOSTANAI. QazAqparat – Qostanaı oblysynda 2025 jylǵa deıin 500 myń aǵash kóshetin egý josparlanyp otyr, dep habarlaıdy QazAqparat.

Bul týraly apparat keńesi barysynda oblystyq energetıka jáne turǵyn úı-kommýnaldyq sharýashylyq basqarmasynyń basshysy Dáýren Asqarov málim etti.

Vedomstvo basshysynyń baıandaýynsha, qala jáne aýdan ákimderi eldi mekenderdi kúzgi jáne kóktemgi sanıtarlyq tazalaý, abattandyrý jáne kógaldandyrý jumystary kezeńinde aǵash egý jumystaryn da ótkizedi.

2019 jyldan bastap oblystaǵy qala jáne aýdan ákimdikteri 111 myńnan astam aǵash kóshetin otyrǵyzdy.

Alaıda pandemııa kezeńinde egilgen aǵashtar sany 37 paıyz qysqarǵan.

«Bıylǵy jyly eń kóp kóshet Qarabalyq (6 930) jáne Fedorov aýdandarynda (3 860) egilgen. Eń az aǵash Sarykól (800) jáne Jangeldi (1 000) aýdandarynda salyndy. Bıyl Qostanaı oblysynyń eldi mekenderinde 24 711 aǵash salý josparlanyp otyr. Kóktemgi jáne kúzgi abattandyrý kezeńinde barlyǵy 38 myńnan astam aǵash salyndy. 2021-2025 jyldardaǵy aımaqtyq josparǵa sáıkes, 500 myń kóshet egý kózdelgen», - dep málimdedi D.Asqarov.

Tabıǵı resýrstar basqarmasy qala men aýdan ákimdikterine tálimbaqtardaǵy 2022-2025 jyldarǵa aǵash kóshetterin daıarlaý jumystaryna kómek kórsetý keńes etildi.


Joǵary qaraı