Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda jemqorlyq qylmystar zalalynyń 99,9%-y qaıta qalpyna keltirildi

2021 jyldyń 28 shilde 2021 12:58

NUR-SULTAN. QazAqparat – Qostanaı oblysy boıynsha sybaılas jemqorlyq salasynda oryn alǵan qylmystan kelgen zalaldyń 99,9%-y qaıta qalpyna keltirildi. Bul týraly QR Sybaılas jemqorlyqqa qarsy is-qımyl agenttigi Qostanaı oblystyq departamentiniń dırektory Qýanysh Bekbasov málim etti, dep habarlaıdy QazAqparat tilshisi.

«Bıyl 6 aıdyń ishinde bizdiń departament 42 qylmystyń betin ashty. Onyń 39-y sybaılas jemqorlyqqa qatysty. Ótken jyldyń osy ýaqytynda 86 qylmys jasalyp, onyń 73-i jemqorlyq áreket boldy. Nátıjesinde 22 adam jaýapqa tartylyp, onyń 7-eýi túrli deńgeıdegi laýazymdy tulǵalar boldy. Al 2020 jyly 5 laýazymdy tulǵa jaýapqa tartyldy. Esesine sybaılas jemqorlyq áreketterdiń saldarynan memleketke kelgen zalaldyń ornyn toltyrý 2 esege artty. Atap aıtqanda, ótken jyly 330 mln teńge qaıtarylsa, bıyl 706 mln teńgeni qurap otyr. Osylaısha oblys boıynsha kelgen zalaldy qalpyna keltirý kórsetkishi 99,9%-y» quraıdy, - dedi Q. Bekbasov agenttikte onlaın ótken baspasóz máslıhatynda.

Onyń aıtýynsha, joǵary kórsetkishke sybaılas jemqorlyq is-qımylǵa qarsy júrgizilgen keńaýqymdy monıtorıngtiń nátıjesinde qol jetip otyr.

«Oblys aýmaǵynda ujymdarǵa qylmystyń kodekstiń 200 babyna ózgerister engizilýine baılanysty túsindirý jumystary júrgizilip jatyr. Aımaqtaǵy 5 laýazymdy tulǵanyń is-áreketi ádep keńesinde qaraldy, onyń qorytyndysy boıynsha qyzmetten bosatýǵa deıin alyp keldi. Mysaly, qyzmetten bosatylǵan Qostanaı oblystyq aýmaqtyq ınspektsııanyń burynǵy basshysy keńes sheshimimen kelispeı, sotqa júgindi. Degenmen 2021 jyldyń 30 maýsymynda Nur-Sultan qalasy, Saryarqa aýdandyq sotynyń sheshimimen onyń ótinishi qanaǵattandyrylmady», - deıdi ol.

Buǵan deıin atalǵan óńirde aýyl sharýashylyǵyn sýbsıdııalaýdyń ashyqtyǵyna taldaý júrip jatqanyn habarlaǵan bolatynbyz.


Joǵary qaraı