Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynyń ákimi óńirde koronavırýstyń órshý sebebin atady

2020 jyldyń 26 qarasha 2020 17:31

NUR-SULTAN. QazAqparat - Qostanaı oblysynyń ákimi Arhımed Muhambetov óńirde koronavırýs juqtyrý jaǵdaılarynyń nelikten jıilep ketkendigin túsindirdi, dep habarlaıdy QazAqparat tilshisi.

Ákimniń atap ótýinshe, bıyl óńirde densaýlyq saqtaý salasyn damytýǵa 78 mlrd teńge bólingen. Bul ótken jyly jumsalǵan qarajattan 1,5 esege kóp.

«COVID-19 pandemııasy densaýlyq saqtaý júıesine aıtarlyqtaı syn-tegeýiringe aınalyp otyr. Bul baǵytta bizdiń atqarar isterimiz de kóp desek bolady. Oblysta koronavırýs ınfektsııasynyń 4 913 jaǵdaıy tirkelgen. Qazirgi ýaqytta naýqastardy emdeý isine 19 statsıonar jumyldyrylyp, olarda 967 tósek-oryn ázirlengen. Qajettilik týyndaǵan jaǵdaıda tósek-oryn sanyn 3 myńǵa jetkize alamyz. Búginde tósek-oryndar júktemesi 33 paıyzdy quraıdy», - dedi oblys ákimi Ortalyq kommýnıkatsııalar qyzmeti alańynda ótken baspasóz máslıhaty barysynda.

Sonymen qatar ol óńirde koronavırýspen aýyrǵan turǵyndar sanynyń nelikten artyp otyrǵandyǵyn túsindirip berdi.

«Koronavırýspen aýrý ósimi eń aldymen Reseı Federatsııasymen shektesýimizge baılanysty bolyp tur. Qazirgi ýaqytta ol jaqta koronavırýspen aýrý ósimi joǵary ekeni belgili. 1,5 myń shaqyrymǵa sozylatyn shekarada 7 avtomobıl ótkeli bar, onyń tórteýi negizgi sanalady. Olar arqyly tek 6 qazanda ǵana shamamen 30 myń adam keldi. Bul respýblıkaǵa avtomobıl ótkeli arqyly ótken barlyq jolaýshynyń 15 paıyzǵa jýyǵyn quraıdy. Syrttan kelgenderúshin 412 tósek-oryn bar 6 karantındik statsıonar ázirlengen. Olarǵa PTR teris nátıje kórsetken anyqtamasy jolaýshylar jatqyzylady», - dedi Arhımed Muhambetov.

Esterińizge sala ketek, Qostanaı oblysynda koronavırýspen aýyrǵandar sanynyń artýyna baılanysty 9 qarashadan beri 3 aptaǵa karantın sharalary qatańdatylǵan bolatyn.


Joǵary qaraı