Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı turǵynynan 100 myńǵa jýyq shólmek ishimdik tárkilendi

2021 jyldyń 27 qazan 2021 11:28

QOSTANAI. QazAqparat - Qostanaı oblysynda alkogol ónimin lıtsenzııasyz satý deregi anyqtaldy, dep habarlaıdy QazAqparat.

Qazaqstanda alkogol ónimderin satý jáne saqtaý lıtsenzııalanatyn kásipkerlik túrine jatady.

Quramynda spırti bar ónimderdi zańdy túrde satý úshin kásipkerler QR «Ruqsattar jáne habarlamalar týraly» Zańynyń 28-babyna sáıkes arnaıy lıtsenzııa alýy tıis.

Sonymen qatar, ruqsat berý qujattarynsyz alkogoldi zańsyz satý derekteri de oryn alýda.

Osylaısha, Qarjy monıtorıngi agenttiginiń Qostanaı oblysy boıynsha aýmaqtyq departamentiniń qyzmetkerleri alkogol ónimin jalǵan esepke alý-baqylaý tańbalarymen jáne lıtsenzııasyz satý dereginiń jolyn kesti.

Baqylaýdaǵy satyp alý barysynda oblys kásiporyndary biriniń qoıma meńgerýshisi I.Maenkonyń belgisiz bireýden quramynda spırti bar ónimdi satyp alǵany anyqtaldy.

Sodan keıin Qostanaı qalasynyń dúkenderinde qaıta satqan.

Barlyǵy jallǵan belgileri bar 52 markaly alkogol óniminiń 93 myńnan astam bótelkesi tárkilendi.

I.Maenkoǵa 1000 AEK kóleminde aıyppul salyndy.



Joǵary qaraı