Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda avtokólik aǵashqa soǵylyp, bir adam kóz jumdy

2021 jyldyń 28 qyrkúıek 2021 18:14

QOSTANAI. QazAqparat – 44 jastaǵy qostanaılyq tizgindegen avtokólik aǵashqa soǵyldy. Júrgizýshi kóz jumdy, dep habarlaıdy QazAqparat.

Bul týraly oblystyq polıtsııa departamentiniń Facebook-akkaýntynda habarlandy.

«28 qyrkúıek kúni saǵat úshter shamasynda 102 pýltine Ýzkokoleınaıa kóshesiniń boıynda 44 jastaǵy júrgizýshi tizgindegen «Folksvagen Passat» markaly avtokóliktiń aǵashqa soǵylyp, aýdarylyp ketkeni týraly habar kelip tústi», - delingen polıtsııa habarlamasynda.

Oqıǵa ornyna avtopatrýl barǵan. Jol-kólik oqıǵasy (JKO) saldarynan júrgizýshi kóz jumǵan, túrli jaraqattar alǵan 34 jastaǵy jolaýshy aýrýhanaǵa jetkizilgen.

«JKO syzbasy qurastyryldy, qazirgi ýaqytta QR QK 345 babynyń 3-tarmaǵy boıynsha sotqa deıingi tergeý amaldary bastaldy. Saraptamalar taǵaıyndaldy, qajetti tergeý áreketteri júrgizilýde», - delingen habarlamada.

Polıtsııanyń habarlaýynsha, jyl basynan beri oblysta 221 jol kólik oqıǵasy bolyp, 50 adam qaza tapqan, 263 adam jaraqat alǵan.


Basty sózder: Qostanaı oblysy, Oqıǵa, Kólik,
Joǵary qaraı