Aýa raıy
Astana 24 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Qostanaıda baǵany zańsyz ósirgen taksılerge eskertý jasaldy

2020 jyldyń 4 shilde 2020 19:21

QOSTANAI. QazAqparat – Qostanaıda karantın ýaqytynda baǵany retsiz ósirip jibergen taksı qyzmeti uıymdaryna eskertý joldandy, dep habarlaıdy QazAqparat QR Ulttyq ekonomıka mınıstrligi básekelestikti qorǵaý jáne damytý komıtetiniń oblystyq departamentine silteme jasap.

Maýsym aıynyń basynan beri departamenttiń Call-ortalyǵyna taksılerdiń tarıf baǵasyna qatysty 80-nen astam shaǵym túsken.

«2020 jylǵy 26 maýsymda Qostanaı oblysy boıynsha Básekelestikti qorǵaý jáne damytý departamenti mamandary úsh tasymaldaýshyǵa qatysty eskertý habarlamasyn joldady. Olar: «Taxi Sity», «Tarlan» jáne «Narodnoe». Turǵyndardy tasymaldaıtyn kólik uıymdaryna baǵany qaıta qalpyna keltirý usynyldy. Olar 10 táýlik ishinde tarıf júıesin birqalyptandyrýy tıis. Aldaǵy ýaqytta qaıtadan baǵanyń kóterilýi týraly fakti anyqtalsa tasymaldaýshylarǵa taksı qyzmeti túsiminiń 3-5% kóleminde ákimshilik aıyppul salynady» delingen departamenttiń habarlamasynda.

Rasymen de, qostanaılyqtar taksı baǵasynyń orynsyz óskeni týraly áleýmettik jelilerge jazǵan bolatyn. Máselen, qala turǵynynyń habarlaýynsha, taksıdi mobıldi qosymsha arqyly shaqyrǵan arzanǵa túsedi.

«Resmı taksıler baǵany sharyqtatyp jiberdi. Mysaly, ortalyq bazardan «Balalar úıine» deıin ádette 400 teńgege jetýshi edim. Karantın ýaqytynda taksıler 800-900 teńge surady», - dep qynjyldy jeli tutynýshysy.


Joǵary qaraı