Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda Baýyrjan Momyshuly atyndaǵy saıabaq ashylady

2020 jyldyń 18 qazan 2020 06:11

QOSTANAI. QazAqparat - Qostanaı qalasynda Baýyrjan Momyshuly atyndaǵy saıabaq ashylady, dep habarlaıdy QazAqparat tilshisi.

Bıyl aty ańyzǵa aınalǵan batyr Baýyrjan Momyshulynyń týǵanyna 110 jyl toldy. Soǵan baılanysty mereıtoılyq sharalar ár oblysta bastaý aldy. Igi isten qostanaılyqtar da shet qalmady.

17 qazanda Qostanaı̆ qalasy Tobyl ózeni mańynda batyrdyń 110 jyldyq mereı̆toı̆yna arnalǵan tal egý aktsııasy ótkizildi.

Aktsııany Qostanaı̆ oblysy ákimdiginiń jastar saıasaty máseleleri basqarmasy uıymdastyrdy. Tal egý rásimine oblys ákiminiń orynbasary Baqyt Esimova da qatysty. Sonymen qatar Qostanaı̆ oblysy ákimdiginiń Tabıǵı resýrstar jáne tabıǵat paı̆dalanýdy retteý basqarmasy, oblystyq bilim basqarmasy qyzmetkerleri, óńirlik front keńse eriktileri, Jastar resýrstyq ortalyǵynyń ókilderi ózderine bekitilgen aýmaqta aǵash otyrǵyzdy.

«Barlyǵy 110-ǵa jýyq kóshet egildi. Kógaldandyrylǵan aýmaqty B. Momyshuly atyndaǵy saıabaq retinde ashý josparda bar. Mundaı aktsııalar ekologııalyq mádenıetti qalyptastyrý, jastardy patrıottyqqa tárbıeleý, qorshaǵan ortaǵa qamqorlyq tanytýǵa úndeıdi.

Batyl, adal jáne tabandy bolǵan qasıetimen Baýyrjan Momyshuly Halyq qaharmany atandy. Onyń tulǵasynan joǵary patrıottyq rýh, sheshim qabyldaýdaǵy senimdilik, tártip, danalyq pen parasat tabylady. Mine, jastardyń boıyna osyndaı asyl qasıetterdi darytý paıdaly isterden bastalady», - dep atap ótti oblystyq Jastar saıasaty basqarmasynyń basshysy Marat Jurqabaev.





Avtor Qasqyrbaı Qoıshymanov
Basty sózder: Qostanaı oblysy,
Joǵary qaraı