Aýa raıy
Astana 0 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda iri mashına jasaý klasterin qalyptastyrý jobasy iske qosylady

2020 jyldyń 15 qyrkúıek 2020 09:44

NUR-SULTAN. QazAqparat – Qostanaı oblysynda iri mashına jasaý klasterin qalyptastyrý boıynsha aýqymdy joba iske qosylady.

Bul týraly búgin Úkimet otyrysynda Indýstrııalandyrý kartasy máseleleri boıynsha baıandaǵan QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Qostanaı oblysynda iri mashına jasaý klasterin qalyptastyrý boıynsha aýqymdy joba iske qosylady. Onda aýyl sharýashylyǵy tehnıkasy men avtomobılderge arnalǵan komponentter shyǵarylady. Aýdany 38 myń sharshy metr bolatyn óndiristik keshen bıyl jeltoqsan aıynda iske qosylyp, kelesi kóktemde jobalyq qýatyna shyǵady», - dedi mınıstr.

Onyń aıtýynsha, bıznes-ınkýbator elde aýyl sharýashylyǵy tehnıkasy men avtomobıl óndirýshileri úshin qajetti 2 myńnan astam bólshek men toraptardy shyǵarý arqyly otandyq óndiris úlesiniń ósýine yqpal etedi. Ári jańa quziretterdi ulǵaıtýǵa áseri bolady.

«Qostanaı qalasynyń ónerkásip aımaǵynda «KamAZ» qozǵaltqyshtarynyń quramdas bólshekterin quıý óndirisi jolǵa qoıylady. Qazirgi ýaqytta tıisti ınvestıtsııalyq kelisimge qol qoıýǵa daıyndalyp, qyrkúıek aıynda qurylysty bastaý josparlanyp otyr», - dedi ol.

Mınıstrdiń dereginshe, óndiriletin ónimniń 95 paıyzy eksportqa baǵdarlanǵan.

«Nátıjesinde Reseıdi, TMD-ny, sondaı-aq Daimler AG nemis kontsernin qamtıtyn jahandyq qun jasaý tizbegine kiretin bolady. Osylaısha, óńir agrarlyq baǵyttan damýdyń ındýstrııalyq-ınnovatsııalyq kezeńine ótedi», - dedi Beıbit Atamqulov.


Joǵary qaraı