Aýa raıy
Astana -13 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda káriz qudyǵynan 3 jyl buryn ólgen adamnyń máıiti tabyldy

2020 jyldyń 28 qazan 2020 20:45

QOSTANAI. QazAqparat – Qostanaıda kárizden 2017 jyly ólgen adamnyń máıiti tabyldy, dep habarlaıdy QazAqparat tilshisi.

Aqparatty agenttik tilshisine oblystyq polıtsııa departamenti baspasóz hatshysy Irına Bejenar rastady.

«12 qazanda Qostanaı qalasynyń polıtsııa basqarmasynyń kezekshi bólimine qońyraý kelip tústi. Jeke úıdiń ıeleri káriz qubyrynan adamnyń máıitin tapqanyn habarlaǵan. Erli-zaıyptylar jaǵymsyz ıisti sezip, kərizdi tazartpaq bolǵan. Alaıda kútpegen jaǵdaıǵa tap bolyp, tez arada polıtsııaǵa habar bergen. Bul derek QR QK 99-baby 1-bóligi («Kisi óltirý») boıynsha tirkeldi. Oqıǵa ornyna 10 tájirıbeli qyzmetkerden turatyn jedel-tergeý toby attandy», - deıdi I.Bejenar.

Qostanaı qalasy krımınaldyq polıtsııa bóliminiń bastyǵy Erbol Qarymsaqovtyń aıtýynsha, polıtseıler kisi óltirilgen ýaqytta osy aýmaqta bolǵan kúdiktilerdi izdestirdi. Jedel ýákilder məıittiń jeke basyn anyqtaýǵa kiristi. Tərtip saqshylary iz-túzsiz joǵalǵandardyń tizimin tekserip, 2017 jyldyń qarashasynan beri habar-osharsyz joǵalyp ketken qala turǵynyn anyqtady.

Tabylǵan məıittegi kıim qaldyqtary joǵalǵan adamnyń sıpattamasyna sáıkes keldi. «Jedel-izdestirý is-sharalary barysynda polıtsııa qyzmetkerleri erli-zaıyptylardyń úsh jyl buryn órtten keıin úıdi qalpyna keltirý úshin jumysshylardy jaldaǵanyn anyqtady. Polıtseıler atalmysh úıdi jóndeýge qatysqan jumysshylardy, kúdiktilerdi quryqtady. Qazirgi ýaqytta olar qamaýda. Tergeý amaldary júrgizilýde. Qylmystyq is aıasynda ólgen adamnyń jeke basyn tolyqtaı anyqtaýǵa, sondaı-aq, osy qylmystyń sebepterin jáne kúdiktilerdiń árqaısysynyń oǵan qatysý dárejesin ashýǵa kómektesetin tórt saraptama taǵaıyndaldy», delingen vedomstvo habarlamasynda.



Joǵary qaraı