Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda KVI juqtyrǵandardyń 97 paıyzy vaktsına almaǵan

2021 jyldyń 14 qyrkúıek 2021 13:44

NUR-SULTAN. QazAqparat – Qostanaı oblysynda COVID-19 juqtyrǵandardyń 97%-y vaktsına salǵyzbaǵan. Bul týraly Qostanaı oblysynyń bas memlekettik sanıtar dárigeri Ermuhanbet Dáýletbaev aıtyp berdi, dep habarlaıdy QazAqparat tilshisi.

«Búgingi kúni COVID-19-dyń 31 486 jaǵdaıy tirkeldi, onyń ishinde ótken kúni 156 naýqas tústi. Juqtyrǵandardyń 145-inde aýrý belgileri bar, 11-de aýrý belgileri joq. Sońǵy eki aptada oblys turǵyndary arasynda koronavırýspen aýyrý turaqty túrde azaıyp keledi. 29 tamyzdan bastap Rt koeffıtsıenti birden tómen deńgeıde. Buǵan profılaktıkalyq jáne epıdemııaǵa qarsy is-sharalar, onyń ishinde halyqty vaktsınalaý yqpal etti», - dedi E. Dáýletbaev ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, negizgi syn-qater tobynda turǵan medıtsına qyzmetkerleri, pedagogtar, kúsh qurylymdarynyń qyzmetkerleri syndy tıisti toptardyń 95%-dan astamy vaktsına aldy.

«Vaktsınalanǵandar arasynda 846 adam aýrý juqtyrǵan, bul jalpy syrqattanǵandardyń 2,7%-yn quraıdy, onyń jartysynan kóbi vaktsınanyń birinshi komponentin alǵannan keıin vırýs juqtyrǵan. Vaktsına saldyrǵandardyń aýrýy anaǵurlym jeńil ótedi, jaǵdaıy aýyr naýqastar arasynda vaktsına alǵandar úlesi óte az. Jalpy COVID-19 juqtyrǵandardyń negizgi bóligi - 97%-y vaktsınalanbaǵan», - dep túsindirdi oblystyń bas memlekettik sanıtar dárigeri.


Joǵary qaraı