Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda mantýdan keıin eki oqýshy qaıtys boldy - FEIK

2021 jyldyń 16 qyrkúıek 2021 17:56

NUR-SULTAN. QazAqparat - WhatsApp messendjerinde Qostanaı qalasynyń №7 mektebinde balalardan Mantý synamasy alynǵany týraly aýdıo habarlama taratylýda. Nátıjesinde tórt bala reanımatsııaǵa túsip, ekeýi qaıtys bolǵan eken. Bul feık, dep habarlaıdy stopfake.kz saıty.


Bul aqparatty Qostanaı oblysynyń Densaýlyq saqtaý basqarmasy joqqa shyǵardy.
«Qostanaı qalasynyń №7 mektebinde ekpeden keıingi balalardyń ólimi men aýyr jaǵdaıy týraly aqparat – ótirik», – delingen vedomstvonyń Instagram-daǵy resmı paraqshasynda.

«Kostanaıskıe novostı» aımaqtyq gazetiniń saıtynda polıtsııa feık avtorlaryn izdeýge kiriskeni aıtylǵan. Bul fakti boıynsha QR QK-niń 274-baby «Kórineý jalǵan aqparat taratý» boıynsha sotqa deıingi tergeý bastaldy.

Esterińizge sala keteıik, qazirgi kezde Qazaqstanda balalarǵa COVID-19 qarsy ekpe salynyp jatqan joq. Jasóspirimder arasynda egý naýqanyn qazan aıynda, Pfizer-BioNTech shyǵarǵan Comirnaty vaktsınasy elge ákelingen soń bastaý josparlanǵan.

1 qyrkúıekte BAQ preparattyń Qazaqstanda ýaqytsha tirkelgenin habarlady.

Búginde vaktsına bes jastan 11 jasqa deıingi jáne alty aıdan bes jasqa deıingi balalarda klınıkalyq synaqtardan ótkizilýde. Nátıjeleri aldaǵy aılarda jarııalanady.


Basty sózder: Feık, Qostanaı oblysy,
Joǵary qaraı