Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda jeke úıdegi órt kezinde 7 jastaǵy qyz bala kóz jumdy

2021 jyldyń 25 qarasha 2021 02:47

QOSTANAI. QazAqparat – Qostanaıda jeke úıdegi órt kezinde zardap shekken 7 jastaǵy qyz bala jedel járdem kóliginde kóz jumdy, dep habarlaıdy QazAqparat.

Qostanaıda 24 qarashada saǵat 17:20-de Pýteıskaıa kóshesindegi jeke úıde órt shyqqany habarlanǵan. 14 mınýttan soń órt sóndirýshiler 6 páterli kirpish úıge jetti. Ondaǵy páterdiń biri órtengen, órttiń neden shyqqany ázirge belgisiz.

«Órt jalpy 50 sharshy metr aýmaqty sharpydy. Órt sóndirý kezinde 4 turǵyn evakýatsııalanyp, jedel járdemge berilgen. Qalalyq aýrýhanaǵa 44 jastaǵy áıel jetkizildi. Denesiniń 80-88 paıyzyn 3-sh dárejeli kúıik shalǵan. Jaǵdaıy aýyr, jansaqtaý bólimine jatqyzyldy. Onyń 46 jastaǵy kúıeýiniń beti men qoly kúıip qalǵan. Dárigerler qarap ony úıine jiberdi. Osy otbasynyń jeti jastaǵy qyzy aýrýhanaǵa jetip úlgermeı jedel járdem kóliginde kóz jumdy», - dep málim etti TJD ókili.

Órt sóndirýshiler kórshi páterdegi taǵy da bir 8 jastaǵy balany taýyp, qutqardy. Onyń jaǵdaıy jaqsy, medıtsınalyq kómekti qajet etpedi.

«Órttiń qaıdan, qalaı shyqqanyn zerthana anyqtaıdy. Órt saǵat 18:23-de tolyq sóndirildi. Onyń sóndirýge 26 adam men 7 arnaıy tehnıka jumyldyryldy», - dep habarlaıdy departamenttegiler.


Avtory Janna Musabaeva


Perevod Jánibek Amangeldi
Basty sózder: Órt, Qostanaı oblysy,
Joǵary qaraı