Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda júk kóligin soqqan júrgizýshi mert boldy

2021 jyldyń 30 shilde 2021 11:32

QOSTANAI. QazAqparat – Jol-kólik oqıǵasy 29 shilde kúni saǵat 21:30-da «Rýdnyı-Qostanaı» tasjolynda boldy, dep habarlaıdy QazAqparat tilshisi Qostanaı oblysy polıtsııa departamentiniń baspasóz qyzmetine silteme jasap.

«2021 jyldyń 29 shildesinde saǵat 21:30-da Qostanaıǵa kirer jolda (Rýdnyı-Qostanaı avtojoly) 43 jastaǵy júrgizýshi «VAZ-2114» avtokóligin basqara almaı, joldyń shetine turaqqa qoıylǵan 27 jastaǵy júrgizýshi basqarǵan «JAC N944» markaly júk avtokóligin kelip soqqan. Jol-kólik oqıǵasynyń saldarynan «VAZ-dyń» júrgizýshisi oqıǵa ornynda alǵan jaraqattardan kóz jumdy», - delingen polıtsııanyń habarlamasynda.

Atalmysh fakti boıynsha tergeý jumystary bastaldy.

Eske sala keteıik, budan buryn Arqalyqta kólik qaqqan elektrosamokattaǵy er adamnyń mert bolǵany jáne Qostanaı oblysynda ólimge ákeletin jol-kólik oqıǵalarynyń jıilegeni týraly habarlanǵan bolatyn.


Basty sózder: Qostanaı oblysy, Oqıǵa, Kólik,
Joǵary qaraı