Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda jylý men ystyq sý óshirilmeıtin boldy

2021 jyldyń 10 qazan 2021 23:16

QOSTANAI. QazAqparat - Qostanaı qalasynyń energetıka jáne turǵyn úı-kommýnaldyq sharýashylyq basqarmasy qalada gaz, ystyq sý men jylýdyń óshirilýine qatysty pikir bildirdi, dep habarlaıdy QazAqparat.

Vedomstvonyń málimetinshe, Qostanaı jylý energetıka kompanııasy shtattyq rejımde jumysyn jalǵastyrady.

«Oblystyń jylýmen qamtıtyn kásiporyndary shtattyq rejımde jumys isteı beredi. Gazdyń sóndirilýi Qostanaı oblysyndaǵy jylytý maýsymynyń barysyna áser etpeıdi» dep málim etti basqarma bastyǵy Dáýren Asqarov.

Mekeme taratqan aqparatqa sensek, 2021 jyldyń 5 qazanynda Qostanaı oblysynyń ákimdigine «Intergaz Orta Azııa» AQ «ÝMG Qostanaı» kásipornynan arnaıy hat kelgen.

Onda «Qartaly - Rýdnyı» magıstraldy gaz qubyrynda júrgizilgen qubyrishilik dıagnostıka kezinde alynǵan qorytyndyǵa sáıkes, magıstraldy gaz qubyrynyń jýandyǵy 10 mm bolǵanyna qaramastan 70-80% tereńdikke deıin úlken aqaý tabylǵany aıtylǵan.

Sondyqtan Qostanaı oblysyn kúz ben qysta gazben úzdiksiz jáne qaýipsiz qamtamasyz etý úshin tez arada atalǵan aqaýdyń kózin joıý kerek.

Eske sala keteıik, buǵan deıin «Qostanaı jylý energetıkalyq kompanııasy» MQK 12-17 qazan aralyǵynda «Qartaly - Rýdnyı» magıstraldy gaz qubyrynda jóndeý jumysy júrgiziletinin, sondyqtan gaz tolyq óshiriletinin habarlaǵan bolatyn.

Osyǵan baılanysty qalada bir apta boıy jylý men ystyq sý berilmeıtini aıtylǵan edi.



Joǵary qaraı