Aýa raıy
Astana -25 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Kovıdten keıin únemi qan qysymyn qadaǵalap júrý kerek - mamandar

2020 jyldyń 30 qazan 2020 12:59

NUR-SULTAN. QazAqparat - Qazir dárigerler COVID-19-dyń saldaryn, indettiń jalpy adam aǵzasyna áserin jan-jaqty zertteýde. Bul jańa ınfektsııa bolǵandyqtan, mamandar ázirge naqty bir toqtamǵa kelgen joq, dep habarlaıdy QazAqparat QR Densaýlyq saqtaý mınıstrliginiń baspasóz qyzmetine silteme jasap.

Dárigerlerdiń paıymdaýynsha, COVID-19 shaldyqqandarǵa burynǵy qalpyna qaıta kelý úshin uzaq ýaqyt kerek, óıtkeni ınfektsııa ókpeni ǵana emes, adamnyń ózge de organdaryn zaqymdaıdy.

Infektsııa birinshi kezekte ókpeni, keıin búırek, júrek , uıqy beziniń jumysyn buzady. Muny mamandar COVID-19 keıingi sındrom kezinde baıqaǵan.

«Kovıdten keıingi sındrom degen túsinik bar. Ol 2-3 aıdan keıin, adam jazyldym-aý degende, ıaǵnı ınfektsııanyń aýyr fazasy ótken soń paıda bolady. Kovıdten jazylyp shyqqan naýqastardy emdeıtin ortalyqtar indetten keıingi sındromnyń praktıkalyq bóligin zertteýde, mysaly, patsıenttiń boıynda naqty belgiler bolady. Qazaqstandaǵy tekserý hattamasynda ǵylymı jáne halyqaralyq tájirıbe eskerilgen»,-deıdi «Kardıohırýrgııa ulttyq ǵylymı ortalyǵy» AQ basqarma tóraǵasynyń mindetin atqarýshy Mahabbat Bekbosynova.

Sondyqtan kovıdten jazylyp shyqqan patsıent medıtsınalyq ońaltýdan ótý kerek. Mahabbat Bekbosynovanyń aıtýynsha, kovıdten keıin qan qysymy kóterilgen naýqas sany kóbeıgen. Mundaı patsıentterge qalaı kómektesemiz? Bul búkil álem dárigerlerin tolǵandyryp otyrǵan másele.

Kardıohırýrgııa ulttyq ǵylymı ortalyǵynda kovıdten keıingi patsıentterge medıtsınalyq qyzmet kórsetetin ortalyq ashylǵan.

«Kovıd búkil adamzatqa stress boldy. Júrek-qant tamyrlary aýrýynan qaıtys bolǵandar sany kóbeımegen. Biz analız jasap, ótken jylmen salystyrdyq, ózgeris joq. Biraq ıntensıvti terapııa bólimshesindegi jansaqtaý bóliminde jatqandardyń 50-70 paıyzynda arterııaldyq gıpertenzııa, al qalǵan 30 paıyzynda qant dıabeti, ıaǵnı koronavırýstan keıin qant dıabeti paıda bolǵan»,-deıdi M. Bekbosynova.

Dárigerler óz betinshe emdelýge múldem bolmaıtynyn eskertedi. Qazir adamdar ınternetten túrli tásil izdep taýyp, dárigerdiń keńesinsiz jıi emdeletin bolǵan. Densaýlyǵyńyz syr berse, dereý jedel járdem shaqyryńyz.

Júrektiń jaýy – ashý-yza, stress. Únemi kúıbeleń kúıde júretin, bolmashy dúnıege ashýlanyp, sary ýaıymǵa salynǵan adamnyń júregi túbi bir syr beredi. Júrek jaqsy jumys isteý úshin adamnyń júıke-júıesi tynysh bolý kerek. Júrektiń ekinshi jaýy – jalqaýlyq. Tamaqty toıa jegennen, artyq salmaqtan qan tamyrlary biteledi, júrektiń jumysy aýyrlaıdy. Mamandar kovıdten keıin únemi qan qysymyn qadaǵalap júrýge keńes beredi.

Kez kelgen dárini dáriger taǵaıyndaý kerek, sebebi preparattardyń paıdasymen qatar jaǵymsyz áseri de bar. Júrekke kókónis, jemis-jıdek, quramynda magnıı bar paıdaly taǵamdar jaqsy. Kúnine eki kese kofe ishýge bolady. Kez kelgen azyq-túlikti az mólsherde tutynǵan durys.


Basty sózder: Koronavırýs, Medıtsına,
Joǵary qaraı