Aýa raıy
Astana 31 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Qoımalarda 4 mln maska bar - mınıstrlik

2020 jyldyń 1 shilde 2020 18:55

NUR-SULTAN. QazAqparat – Qazaqstanda bir táýlikte 772 myń medıtsınalyq maska tigiledi. Qoımalarda 4 mln danasy bar. QazAqparat bul týraly QR Indýstrııa jáne ınfraqurylymdyq damý mınıstrligine silteme jasap habarlaıdy.

«2020 jylǵy 30 maýsymdaǵy jaǵdaı boıynsha elimizde táýligine 772 myń dana betperde óndiriledi. Onyń ishinde farmatsevtıkalyq kásiporyndar 567 myń, tigin kásiporyndary 204 myń dana óndirdi. Qoımalarda 4 mıllıonnan astam betperde bar. Tıisti aqparat «SQ-Farmatsııa« JShS-ǵa berilip turady. Óz kezeginde QR Densaýlyq saqtaý mınıstrligi óndirilgen ónimdi el óńirlerine bóledi», - dedi mınıstrlikten.

Málim etilgendeı, elimizde dáke jáne bózden tigilgen betperdeler atqarýshy organdarmen jasalǵan shart negizinde jetkizilip turady.

«Qazirgi kezde betperdeler óndirisi QR Indýstrııa jáne ınfraqurylymdyq damý mınıstrliginiń qatań baqylaýyna alyndy. Qosymsha óndiristi iske qosý jáne óndiristi keńeıtý nátıjesinde betperdeler óndirisiniń kólemi táýligine 1 mln danaǵa jetti.

Zalalsyzdandyrý quraldaryna kelsek, aǵymdaǵy jyldyń 30 maýsymynda 63 350 lıtr zalalsyzdandyrý quraly shyǵaryldy. Qoımada 331 576 lıtr, tutynýshylarǵa kósheler men úı-jaılardy tazalaý úshin jáne dárihana jelilerine 56 730 lıtr jóneltildi», - dedi vedomstvodan.

Medıtsınalyq maska tigip otyrǵan farmatsevtıkalyq kásiporyndar: «Dolce» JShS (Almaty obl.) 178 675 dana/táýlik, «Medical Active Group» JShS (Almaty q.) 3000 dana/táýlik, «MegaPharma» JShS (Jambyl obl.) 50 000 dana/táýlik, «TK-Farm Aqtóbe» JShS (Aqtóbe q.) 40 000 dana/táýlik, «Ecos» JShS (Almaty q.) 2 000 dana/táýlik, «Bizhon» JShS (Shymkent q.) 66 500 dana / táýlik, «Bolashaq 2019» JShS (Nur-Sultan q.) 45 000 dana/táýlik,« Vita Pharma « JShS (Nur-Cultan q.) 2 000 dana/táýlik, BIONIC-PRO JShS (Nur-Sultan q.) 180 000 dana/táýlik.


Joǵary qaraı