Aýa raıy
Astana -1 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

QPL: «Astana» men «Shahter» teń tústi

2020 jyldyń 20 qyrkúıek 2020 19:58

NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan chempıonatynyń toǵyzynshy týry máresine jetti, dep habarlaıdy QazAqparat tilshisi.

Atalǵan týrda búgin eki oıyn ótkizildi. «Astana» men «Shahter», «Ordabasy» men «Qaısar» komandalary kezdesti.

Alǵashqy oıyn Astana» men «Shahter» komandalary arasynda ótti. Ekeýi teń dárejede oıyn kórsetti. Aldymen «Astana» sapynan Pıeros Sotırıý 62-mınýtta esep ashsa, 71-mınýtta qaraǵandylyq fýtbolshy Aıdos Táttibaev tarazy basyn teńestirdi. Oıyn 1:1 esebimen teń aıaqtaldy.

Ekinshi kezdesý «Ordabasy» men «Qaısar» arasynda boldy. Kezdesý barysynda 25-mınýtta shymkenttik klýb sapynan Joao Paýlo gol soqsa, ekinshi kezeńde «Qaısar» sapynan Artýr Rejınaldo tarazy basyn teńestirdi. Oıyn 1:1 eesbimen teń aıaqtaldy.

Bul týrda «Oqjetpes» pen «Kaspıı» 2:2 esebimen teń tússe, «Jetisý» «Tarazdy» 2:0 esebimen tize búktirdi. Atalǵan týrdaǵy «Qyzyljar» men «Qaırat» arasyndaǵy kezdesý 21 qyrkúıekte bolady.


Avtor Ádiljan Úmbet
Basty sózder: Sport,
Joǵary qaraı