Aýa raıy
Astana 30 °S
Almaty 34 °S
valıýta baǵamy
USD 386.70
EUR 427.15
RUB 6.06
CNY 54.57

QPL: Eki oıynda segiz gol soǵyldy

2019 jyldyń 18 tamyz 2019 22:15

NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń 23-týrynyń eki oıyny ótkizildi, dep habarlaıdy QazAqparat tilshisi.

Alǵashqy oıyn Taldyqorǵanda jergilikti «Jetisý» men «Aqtóbe» komandalary arasynda boldy. Bul kezdesýde alań ıeleri qarsylastar qaqpasyna jaýapsyz bes gol soqty. Alǵashqy gol 11-mınýtta Aıbar Jaqsylyqovtyń enshisine jazyldy. Odan keıin 30-mınýtta Kamo Oganesıan esepti ulǵaıtsa, Aıbar Jaqsylyqov 65-mınýtta dýbldiń avtory atandy. Al 71-mınýtta Mantas Kýklıs qaqpany dál kózdese, kezdesý núktesin 80-mınýtta Nıkıta Naýmov qoıdy. Osylaısha «Jetisý» 5:0 esebimen basym tústi.

Qaraǵandyda jergilikti «Shahter» Qyzylordanyń «Qaısar» komandasyn 3:0 esebimen jeńdi. Aldymen Donet Shkodra 52-mınýtta qanjyǵasyn maılasa, odan keıin Erkebulan Nurǵalıev 61-mınýtta gol soqty. Kezdesýdi 74-mınýtta Sergeı Zenev bir golmen túıindedi.

Bul týrdaǵy qalǵan oıyndar keshe, 17 tamyzda ótkizildi. Óz alańynda Kókshetaýdyń «Oqjetpesi» Shymkenttiń «Ordabasy» 0;4, «Taraz» Almatynyń «Qaırat» klýbynan 0:2 esebimen jeńilse, Pavlodardyń «Ertisi» Qostanaıdyń «Tobylymen» 0:0 esebimen teń tústi. Atalmysh týrdaǵy «Atyraý» jáne «Astana» komandalary arasyndaǵy kezdesý keıinge qaldyryldy.

Endi 24-týr 24 jáne 25 tamyz kúnderi ótkiziledi. 24 tamyzda óz alańynda «Ordabasy» «Shahterdi», «Tobyl» «Atyraýdy» qabyldaıdy. Al 25 tamyzda «Aqtóbe» men «Ertis», «Qaısar» men «Jetisý», «Qaırat» pen «Oqjetpes», «Astana» men «Taraz» komandalary kezdesedi.


Perevod Ádiljan Úmbet
Basty sózder: Sport,
Joǵary qaraı