Aýa raıy
Astana 20 °S
Almaty 20 °S
valıýta baǵamy
USD 385.42
EUR 424.58
RUB 6.00
CNY 54.31

QPL: «Tobyl» qaıtadan kósh basyna shyqty

2019 jyldyń 24 tamyz 2019 22:02

NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiligi 24-týrynyń eki oıyny ótkizildi, dep habarlaıdy QazAqparat tilshisi.

Alǵashqy oıyn Shymkent qalasynda boldy. Jergilikti «Ordabasy» óz alańynda Qaraǵandynyń «Shahter» komandasyn qabyldady. Bul kezdesýde eki komanda tartysty oıyn kórsetti. Oıynnyń 22-mınýtynda «Ordabasy» sapynan Abdýllaı Dıakate penaltıden gol soqty. Al 50 jáne 59-mınýtta Lývaga Kızıto qos goldyń avtory atanyp, qaraǵandylyq komanda alǵa shyqty. Budan keıin shymkenttik klýb fýtbolshylary oıyn tizginin qolǵa aldy. Oıynnyń 71-mınýtynda Alekseı etkın tarazy basyn teńestirse, 90-mınýtta Abdýllaı Dıakate taǵy da qarsylastar qaqpasyna belgilengen penaltıdi múltiksiz oryndaı bildi. Osylaısha «Ordabasy» qarsylasyn 3:2 esebimen tize búktirdi.

Qostanaıdyń «Tobyly» búgingi oıynnan keıin týrnır kestesinde qaıtadan kósh basyna shyqty. Olar búgin óz alańynda «Atyraý» komandasymen sheberlik baıqasqan edi. Bul oıynda qostanaılyqtar qatarynan 32-mınýtta Sultan Ábilǵazy esep ashsa, 71-mınýtta Dmıtrıı Mıroshnıchenko qorytyndy esepti belgiledi. Nátıjesinde «Tobyl» 2:0 esebimen basym tústi.

Bul týrdaǵy qalǵan oıyndar 25 tamyzda «Astana» men «Taraz», «Qaısar» men «Jetisý», «Aqtóbe» men «Ertis», «Qaırat» pen «Oqjetpes» komandalary kezdesedi.

Al 25-týr oıyndary 31 tamyz kúni ótkiziledi. Atalmysh týrda «Atyraý» men «Ertis», «Jetisý» men «Ordabasy», «Qaısar» men «Aqtóbe», «Taraz» ben «Tobyl», «Shahter» men «Qaırat» komandalary oınaıdy. Osy týrdaǵy «Astana» men «Oqjetpes» komandalary arasyndaǵy kezdesý elordalyq klýbtyń Eýropa lıgasyndaǵy oıynyna baılanysty 1 qyrkúıekten keıinge qaldyryldy.

Biz budan buryn fýtboldan Qazaqstan kýbogynyń fınaly 6 qazanda ótetinin habarlaǵan edik.

Avtor Ádiljan Úmbet
Basty sózder: Sport, Qostanaı oblysy,
Joǵary qaraı