Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

QR ákimshilik rásimdik-protsestik kodeksi: Zańnamaǵa qandaı ózgerister engizildi

2020 jyldyń 4 tamyz 2020 15:55

NUR-SULTAN. QazAqparat - Sot qyzmetine tyń serpin beretin taǵy bir zań - bıylǵy 29 maýsymda Prezıdent qol qoıǵan «Qazaqstan Respýblıkasynyń ákimshilik rásimdik-protsestik kodeksi».

Zańda kórsetilgendeı, sot aldaǵy ýaqytta ákimshilik protseske qatysýshylardyń túsiniktemelerimen, aryzdarymen, ótinishhattarymen, olar usynǵan dáleldermen, dáleldemelermen jáne ákimshilik istiń ózge de materıaldarymen shektelip qalmaıdy. Atap aıtqanda, ákimshilik isti durys sheshý úshin mańyzy bar barlyq naqty mán-jaıdy jan-jaqty, tolyq jáne obektıvti túrde zertteýge quqyly.

Bul zań aıasynda sýdıaǵa jańa ókilettikter men quqyqtar berilip otyr. ıAǵnı, sýdıa ákimshilik istiń naqty jáne zańdy tustaryna jatatyn quqyqtyq negizdemeler boıynsha óziniń aldyn ala quqyqtyq pikirin aıtýǵa quqyly. Burynǵy zań boıynsha sýdıaǵa ondaı quqyq berilmeıtin. Sýdıa iske baılanysty óz pikirin aıtýǵa tıis emes bolatyn.

Taǵy bir jańashyldyq. Sot óz bastamasy nemese ákimshilik protseske qatysýshylardyń ýájdi ótinishhaty boıynsha qosymsha materıaldar men dáleldemelerdi jınaı alady. Sondaı-aq ákimshilik sot isin júrgizý mindetterin sheshýge baǵyttalǵan ózge de áreketterdi júzege asyrady.

Zańda «Tatýlastyrý rásimderi» keńinen qoldanylady. Eger taraptar daýdy tatýlasý, medıatsııa ne partısıpatıvtik jolmen sheshýge toqtasa, onda kelisim jazbasha túrde jasalady. Oǵan eki jaq nemese olardyń ókilderi qol qoıady. Sýdıa taraptardyń tatýlasýy úshin qajetti sharalar qabyldaı alady, daýdy protsess barysynda retteýge kómektesedi.

Tatýlasý, medıatsııa nemese daýdy partısıpatıvtik rásim boıynsha kelisim ne onyń sharttary zańǵa qaıshy kelgen jaǵdaıda, sot ony bekitpeı tastaıdy. Sondaı-aq, adamdardyń quqyqtaryn, bostandyqtary men zańdy múddelerin buzatyn kelisimderge de jol berilmeıdi.

Daýlasýshy taraptar ózara tatýlasý, medıatsııa nemese daýdy partısıpatıvtik rásimge kelisim bermese nemese sot kelisimniń sharttaryn bekitpese, ákimshilik isti talqylaý jalpy tártippen júrgiziledi.

Zań taraptardyń ózara kelisimge kelýin, bir-birimen tatýlasýyn basty shart retinde qarastyrady. Bul mysaldar jańa Zańnyń gýmanıtaralyq baǵytyn, zańnamany odan ári izgilendirý isiniń nátıjeli júrgizilip jatqanyn kórsetedi. Bir aıta keterlik jaıt, osy Kodeks 2021 jylǵy 1 shildeden bastap qoldanysqa engiziledi.

Nurlan QALQA


Basty sózder: Zań, Sot,
Joǵary qaraı