Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QR Bas memlekettik sanıtarlyq dárigerdiń qaýlysyna karantın merzimi boıynsha ózgerister engizildi

2022 jyldyń 21 qańtar 2022 23:18

NUR-SULTAN. QazAqparat – QR Bas memlekettik sanıtarııalyq dárigeri karantın merzimine birqatar ózgerister engizdi, dep habarlaıdy QazAqparat QR Densaýlyq saqtaý mınıstrliginiń baspasóz qyzmetine silteme jasap.

«Qazaqstan Respýblıkasynyń Bas memlekettik sanıtarııalyq dárigeriniń 2021 jylǵy 2 qyrkúıektegi №38 qaýlysyna ózgerister men tolyqtyrýlar engizý týraly» Qazaqstan Respýblıkasynyń Bas memlekettik sanıtarııalyq dárigeriniń 2022 jylǵy 21 qańtardaǵy № 4 jańa qaýlysynda karantın merzimine qatysty tásilder qaıta qarastyryldy.

COVID-19 naýqasymen baılanysta (jaqyn baılanysta) bolǵan adamdarǵa úı karantıni merzimine qatysty ózgerister engizildi»,-delingen habarlamada.

Máselen, COVID-19 naýqasymen baılanysta bolǵan adamdar (jaqyn baılanys) revaktsınatsııa nemese COVID-19-ǵa qarsy vaktsınatsııanyń tolyq kýrsyn alǵany týraly qujaty bolmaǵan kezde, eger ekinshi komponentti alǵannan keıin 6 aıdan aspaǵan bolsa, sońǵy 3 aı ishinde COVID-19 aýyryp jazylǵan adamdardy qospaǵanda, úıde oqshaýlaýǵa (úı karantıni) jatady.

Baılanysta bolǵan adamda aýrý belgileri bolmaǵan jaǵdaıda úı karantıniniń 7-shi kúni PTR ádisimen COVID-19-ǵa zerthanalyq tekserý úshin synama alý júrgiziledi.

PTR-zertteýdiń teris nátıjesimen úı karantıni aıaqtalady.

Eger úı karantıniniń 7-shi kúninde PTR ádisimen COVID-19-ǵa zerthanalyq tekserý úshin synamalardy irikteý júrgizilmese, úı karantıni oqshaýlanǵan sátten bastap 10 kún ótkenge deıin jalǵasady.

Karantınniń uqsas taktıkasy koronavırýs ınfektsııasynyń asımptomatıkalyq aǵymy bar naýqastarǵa da qoldanylady.

(Buryn bolǵan: 3 táýlikke PTR ádisimen tekserý jáne 14 kún ishinde karantın)

Algorıtmderge redaktsııalyq túzetýler engizildi.

«Osy qaýlynyń tolyq mátinimen Qazaqstan Respýblıkasy Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń saıtynda tanysýǵa bolady»,-delingen habarlamada.


Joǵary qaraı