Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Qarjy mınıstrligi qazaq-qyrǵyz shekarasynda qalyptasqan jaǵdaıdy túsindirdi

2021 jyldyń 30 shilde 2021 14:50

NUR-SULTAN. QazAqparat - Áleýmettiń jelilerde Qyrǵyz Respýblıkasynyń aýmaǵynda «Aq Tilek avtojol» avtomobıl ótkizý pýnktiniń (Qazaqstan tarapynan shektes ótkizý pýnkti – «Qarasý») aldynda júk avtokólik quraldarynyń jınalýy týraly aqparat paıda boldy.

QR Qarjy mınıstrligi Memlekettik kirister komıteti baspasóz qyzmetiniń habarlaýynsha: «2021 jylǵy 30 shildedegi jaǵdaı boıynsha Qyrǵyz Respýblıkasy tarapynan «Qarasý» ótkizý pýnktindegi júk avtokólik quraldarynyń sany 50-80 birlikti quraıdy, bul jemis-kókónis ónimderiniń pisetin maýsymyn eskere otyryp, kórsetilgen ótkizý pýnkti úshin shtattyq jaǵdaı bolyp tabylady».

Jalpy, qazaqstan-qyrǵyz shekarasyndaǵy ótkizý pýnktteri shtattyq rejımde jumys isteıdi, Memlekettik kirister organdarynyń aqparattyq júıeleri tolyq kólemde jumys istep tur.

«Orta eseppen bir táýlik ishinde Qazaqstan Respýblıkasynyń aýmaǵyna Qyrǵyz Respýblıkasynan 300-350 avtokólik quralymen taýarlar jetkiziledi»,-delingen habarlamada.


Joǵary qaraı