Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

QR OSK saılaýǵa qatysty qaýlysyna ózgeris engizdi

2020 jyldyń 20 qarasha 2020 15:49

NUR-SULTAN. QazAqparat - QR Ortalyq saılaý komıssııasy Saıası partııalardy partııalyq tizim boıynsha saılanatyn QR Parlamenti Májilisiniń jáne máslıhattardyń depýtattaryn saılaýǵa jiberý týraly qaýlysyna ózgertýler engizdi, dep habarlaıdy QazAqparat tilshisi.

«Adal» partııasy men Qazaqstannyń halyq partııasy respýblıkalyq, sonymen qatar óńirlik deńgeıde qaıta tirkeýden ótti. Sondaı-aq «Adal» partııasy Túrkistan oblysyndaǵy fılıalyn qaıta tirkeýden jáne Shymkent qalasyndaǵy fılalyn eseptik tirkeýden ótkizgenin atap ótken jón. Osydan buryn partııanyń bul óńirlerde saılaýǵa qatysýǵa ruqsaty bolmaǵan. Osyǵan baılanysty Ortalyq saılaý komıssııasynyń «Keıbir saıası partııalardy partııalyq tizim boıynsha saılanatyn QR Parlamenti Májilisiniń jáne máslıhattardyń depýtattaryn saılaýǵa jiberý týraly» qabyldanǵan qaýlyny qaıta qaraý qajet»,- dedi QR OSK Tóraǵasy Berik Imashev.

Osydan keıin Ortalyq saılaý komıssııasy «Adal» saıası partııasy men Qazaqstannyń Halyq partııasyn Qazaqstan Respýblıkasy Parlamenti Májilisi men máslıhattary depýtattaryn saılaýǵa qatysýǵa jiberý týraly qaýly qabyldady.

«Osylaısha «Adal» saıası partııasy men Qazaqstannyń Halyq partııasy Qazaqstan Respýblıkasy Parlamenti Májilisi men máslıhattary depýtattaryn saılaýyna jiberildi», - dedi Berik Imashev.

Eske salaıyq, «Birlik» saıası partııasynyń ataýy – «Adal», Qazaqstan kommýnıstik halyq partııasynyń ataýy «Qazaqstannyń halyq partııasy» bolyp ózgerdi.


Joǵary qaraı