Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

QR Premer-Mınıstri Tsıfrlandyrý jónindegi komıssııanyń otyrysyn ótkizdi

2020 jyldyń 23 qazan 2020 15:51

NUR-SULTAN. QazAqparat - QR Premer-Mınıstri Asqar Mamın QR Prezıdenti janyndaǵy Tsıfrlandyrýdy engizý máseleleri jónindegi komıssııanyń otyrysyn ótkizdi, dep habarlaıdy primeminister.kz.

«Tsıfrlyq Qazaqstan» memlekettik baǵdarlamasyn jetildirý, ishki ister organdaryn tsıfrlandyrý jáne jer telimderi men ınjenerlik kommýnıkatsııalardyń tsıfrlyq kartasyn jasaý máseleleri qaraldy. Atqarylyp jatqan jumystar týraly tsıfrlyq damý, ınnovatsııalar jáne aeroǵarysh ónerkásibi mınıstri B. Mýsın, ishki ister mınıstri E. Turǵymbaev, aýyl sharýashylyǵy mınıstri S. Omarov, ındýstrııa jáne ınfraqurylymdyq damý mınıstri B. Atamqulov, energetıka mınıstri N. Noǵaev baıandama jasady.

Aǵymdaǵy jyldyń sáýir aıynda Memleket basshysy tótenshe jaǵdaı rejıminde tsıfrlandyrý jónindegi jumystyń nátıjelerine taldaý jasaýdy jáne bólingen qarajatty qaıta bóle otyryp, «Tsıfrlyq Qazaqstan» baǵdarlamasyn qaıta qaraýdy tapsyrdy.

Qoıylǵan mindetterdi sheshý sheńberinde memlekettik organdar, úkimettik emes uıymdar, AKT salasynyń mamandary jáne bıznes-qoǵamdastyq ókilderi «Tsıfrlyq Qazaqstan» jańartylǵan jobasynyń 10 basymdyqty baǵytyn ázirledi (buryn 5 baǵyt).

Olar áleýmettik qatynastar salasyn tsıfrlandyrýdy, energetıka men ónerkásipke arnalǵan «Indýstrııa 4.0» tehnologııalyq platformasyn, AgriTech jáne Govtech tehnologııalyq platformalaryn qurýdy, sapaly AKT ınfraqurylymyn jáne aqparattyq qaýipsizdikti qamtamasyz etýdi, «Smartcity» tehnologııalyq platformasyn iske asyrýdy, azamattardyń qaýipsizdik deńgeıin arttyrýǵa arnalǵan tsıfrlyq quraldardy, «FinTech» jáne elektrondyq saýdany, jasandy ıntellektti damytýdy jáne ınnovatsııalyq ekojúıeni qurýdy qamtıdy. Memlekettik baǵdarlamanyń jańartylǵan redaktsııasynda memlekettik organdardyń, densaýlyq saqtaý jáne bilim berý júıeleriniń jumysyn jaqsartý, FinTech sektorynyń múmkindikterin keńeıtý, aqyldy qalalar júıesin ázirleý, AKT ınfraqurylymyn damytý jobalaryna erekshe nazar aýdaryldy.

Polıtsııa qyzmetin tsıfrlandyrý sheńberinde Biryńǵaı aqparattyq-taldaý júıesin qurý jáne ІІM Ahýaldyq ortalyǵyn jańǵyrtý, azamattardyń ótinishterin qabyldaýdyń túrli arnalaryn yqpaldastyrý, oblys ortalyqtaryn, respýblıkalyq mańyzy bar qalalar men elordany beınebaqylaý júıesimen tolyq jabý, «Tsıfrlyq polıtseı» jobasyn iske asyrý, qylmystyq-atqarý júıesi mekemeleriniń Keshendi qaýipsizdik júıesin qurý jáne basqa da sharalardy iske asyrý kózdelgen. Jer qory jáne jyljymaıtyn múlik obektileri týraly ulttyq derekqordy qurý sheńberinde «Jyljymaıtyn múliktiń biryńǵaı memlekettik kadastry» aqparattyq júıesin qalyptastyrý, keńistiktik derekterdiń Ulttyq ınfraqurylymyn jáne tsıfrlyq aýyl sharýashylyǵy kartalaryn ázirleý boıynsha jumys júrgizilýde.

Jer resýrstaryn tsıfrlandyrý qorytyndysy boıynsha búkil QR aýmaǵynda ashyq paıdalanylatyn tsıfrlyq karta, jer qatynastary jáne sáýlet salasynda elektrondyq qyzmetter kórsetý qurylyp, jer ýchaskelerine quqyq berý merzimi 1 jyldan 20 kúnge deıin qysqartylady, memlekettik akti, jerge ornalastyrý jobasy, sondaı-aq jer komıssııasy alynyp tastalady. Jalpy, «Tsıfrlyq Qazaqstan» memlekettik baǵdarlamasyn ózektendirý aıasynda aǵymdaǵy 125 is-sharaǵa qosymsha 145 jańa is-shara, 3 jańa ındıkator jáne 41 kórsetkish ázirlendi.

Osylaısha, memlekettik baǵdarlamanyń jańa nusqasynda 15 ındıkator, 67 kórsetkish jáne 270 is-shara qamtylǵan. Memlekettik baǵdarlamany iske asyrý nátıjesinde 2025 jylǵa qaraı memlekettik qyzmetterdiń 100%-yn onlaın-formatqa kóshirý, tsıfrlandyrý salasyna ınvestıtsııalar kólemin 500 mlrd teńgege deıin jetkizý, IT jáne elektrondyq ónerkásip eksportynyń kólemin 200 mlrd teńgege deıin jetkizý, 1 myńnan astam jańa ınnovatsııalyq kompanııalardy qurýǵa jáne 100 myń IT-mamandardy daıarlaýǵa yqpal etý josparlanýda. Premer-Mınıstr Úkimet otyrysynda qarastyrý úshin «Tsıfrlyq Qazaqstan» memlekettik baǵdarlamasynyń jańartylǵan redaktsııasynyń jobasyn engizýdi tapsyrdy.


Basty sózder: Tsıfrlyq Qazaqstan, QR Úkimeti,
Joǵary qaraı