QR Premer-Mınıstri qazaqstandyqtardy Tuńǵysh Prezıdent kúnimen quttyqtady
NUR-SULTAN. QazAqparat - QR Premer-Mınıstri Asqar Mamın qazaqstandyqtardy Tuńǵysh Prezıdent kúni merekesimen quttyqtady. QazAqparat bul týraly primeminister.kz saıtyna silteme jasap habarlaıdy.
«Qymbatty qazaqstandyqtar, sizderdi Tuńǵysh Prezıdent kúnimen quttyqtaımyn! Qazaqstannyń ekonomıkasy qýatty táýelsiz el bolyp qalyptasýy QR Tuńǵysh Prezıdenti – Elbasy Nursultan Ábishuly Nazarbaevtyń esimimen tyǵyz baılanysty. Qazirgideı jahandyq ekonomıkalyq daǵdarys aıasynda Qazaqstannyń ulttyq ekonomıkasy turaqtylyqtyń joǵary deńgeıin kórsetip otyr. Oǵan Táýelsizdik jyldary N. Á. Nazarbaevtyń bastamasy boıynsha áleýmettik-ekonomıkalyq jáne qoǵamdyq-saıası reformalardyń tıimdi júzege asyrylýy negiz boldy. Elbasy muryndyq bolǵan Qazaqstannyń strategııalyq damý baǵyty ekonomıkamyzdyń budan keıingi turaqty damýyn qamtamasyz etip, halqymyzdyń ómir súrý sapasyn arttyratynyna senimdimin. Barlyq qazaqstandyqtarǵa myqty densaýlyq, tabys, tatýlyq pen ıgilik tileımin!», - dedi Asqar Mamın.
