Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti Almatydaǵy atysta qaza tapqan polıtseılerdi nagradalarmen marapattady

2021 jyldyń 25 qyrkúıek 2021 13:04

NUR-SULTAN. QazAqparat - QR Prezıdenti Qasym-Jomart Toqaev Almatydaǵy atys kezinde qaza tapqan polıtseıler men sot oryndaýshyny memlekettik nagradalarymen marapattaý týraly Jarlyqqa qol qoıdy. QazAqparat Aqordaǵa silteme jasaı otyryp Jarlyqtyń tolyq mátinin jarııalaıdy.

***

Qazaqstan Respýblıkasynyń memlekettik nagradalarymen nagradtaý týraly

2021 jylǵy 25 qyrkúıek

QAÝLY ETEMІN:

1. Qyzmettik boryshyn atqarýda kórsetken erligi men janqııarlyǵy úshin nagradtalsyn:

ІІ dárejeli «Aıbyn» ordenimen

Baıǵazıev Nurbol Nazarbaıuly (marqum) – Іshki ister mınıstrliginiń Almaty qalasy polıtsııa departamentiniń Alataý aýdany polıtsııa basqarmasynyń janyndaǵy polıtsııa bóliminiń ýchaskelik ınspektory

Súleev Darhan Daýylbaıuly (marqum) – Іshki ister mınıstrliginiń Almaty qalasy polıtsııa departamentiniń Alataý aýdany polıtsııa basqarmasynyń janyndaǵy polıtsııa bóliminiń ýchaskelik ınspektory;

«Erligi úshin» medalimen

Ábenov Murat Baqbergenuly (marqum) – Jeke sot oryndaýshylarynyń respýblıkalyq palatasynyń múshesi, Almaty qalasy.

2. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Nur-Sultan, Aqorda, 2021 jylǵy 25 qyrkúıek

№ 663

***

Eske salaıyq, 20 qyrkúıek kúni Almatyda atys bolyp, 5 adam qaza tapty.

Jeke úılerdiń birine kelgen sot oryndaýshyǵa, ýchaskelik polıtsııa ınspektorlaryna úı ıesi — 1967 jyly týǵan azamat oq atty. Qaza tapqan polıtseılerdiń biriniń artynda 5 jáne ekinshisiniń artynda 2 balasy qaldy. Almaty qalalyq soty birneshe adam ólimine kináli turǵynnyń daýly isine qatysty túsinikteme berdi.

«Bank TsentrKredıt» AQ is boıynsha barlyq qajetti qujatty usynatyndaryn jáne zardap shekkenderdiń týystaryna jan-jaqty kómek kórsetetinderin jetkizdi.

Atalǵan jaǵdaı boıynsha sotqa deıingi tergeý amaldary bastaldy. Kináli adam 20 jylǵa deıin nemese ómir boıyna bas bostandyǵynan aıyrylýy múmkin.



Joǵary qaraı